Alle barn som skal vere tre månadar eller meir i landet, har rett til å gå på skule. Skulen er gratis. Kontakt skulesjefen om du er ny i kommunen og har barn som skal starte på skulen. 

Om du har barn og har dårleg råd, kan du søkje om tilskot i samband med skulestart før barnet startar i 1., 4. og 8. klasse. Kontakt NAV Øygarden

Ingen barn skal bli mobba: Les meir om Trygg i fellesskap

Barn i barnehage og skule kan ha rett til særskilt språkopplæring, tospråkleg fagopplæring og/eller morsmålsopplæring. Dette er gratis. Les meir på nettsted for morsmål og tospråklig fagopplæring.

Kraftsenteret for aktivitet i underetasjen til Grønamyrsvegen 4 har leksehjelp og eit varmt måltid for elevar på barne- og ungdomsskulen kvar måndag frå 16-19. Kontakt Way Forward

Har du barn som går i 1.-4. klasse på skulen? Då kan du søkje om plass på skulefritidsordning (SFO). Der kan barnet vere med andre barn før og etter skuletid, og blir passa på av vaksne. Har du fleire barn som går på SFO, kan du få billegare plass (moderasjon).

Søkja SFO-plass | Redusert foreldrebetaling for SFO

Helsesjukepleiar følgjer opp elevane på barne- og ungdomsskulen i skuletida. Det er gratis. Her finn du informasjon om skulehelsetenesta

Helsestasjonen er for alle ungdomar frå 13 til 25 år. Her kan ungdom få svar på spørsmål om prevensjon, seksuell identitet, psykisk helse og mykje anna. Helsestasjon for ungdom

Ungdomstenesta er ei tverrfagleg teneste som arbeider for å gje unge som har det vanskeleg tidleg og rett hjelp. Det er eit gratis lavterskel tilbod. 

Tenesta arbeider saman for å gje unge som treng det tidleg og rett hjelp. Alle kan ta kontakt med Ungdomstenesta. Vår målgruppe er barn og unge i alderen 12 – 23 år.

Vi kan hjelpe unge som kvir seg for eller ikkje klarar å gå på skule. Unge som slit med psykiske vanskar,  har eit problem knytt til rusmidlar, eller som ynskjer hjelp til å kome i arbeid. Uansett kva det måtte vere så kan du som ungdom, føresette eller andre ta kontakt for rettleiing og vurdering av kva Ungdomstenesta kan hjelpe med.

Her finn du meir informasjon om Ungdomstenesta

Elevar som har lang, spesielt vanskeleg eller farleg skuleveg, kan få gratis skyss. Sjå reglar og søk om skuleskyss

Om du og familien din treng støtte i ein vanskeleg situasjon, kan barnevernet hjelpe.

Treng du hjelp frå barnevernet? | Om barnevernet på forskjellige språk

PPT kan hjelpe dersom barn til dømes har problem på skulen. Skulen skal samarbeide med foreldra dersom det er nødvendig å kontakte PPT. Foreldre kan òg ta direkte kontakt: PPR i Øygarden

Øygarden tilbyr gratis psykolog til barn og unge.

Alle barn blir kalla inn til tannlegen for å få sjekka tennene gratis. Behandling er òg gratis for barn i den offentlege tannhelsetenesta. Øygarden tannklinikk

Om du har barn og får sosialhjelp eller har søkt om det, kan Nav hjelpe deg å søkje om pengar til utstyr og medlemsavgift slik at barn kan vere med på sport og fritidsaktivitetar sjølv om familien har dårleg råd. Kontakt NAV Øygarden

Basecamp har gratis sommaraktivitetar og mykje anna for barn og ungdom i alderen 13-20 år. Ta kontakt med Basecamp

Ungdomsklubbar: Her finn du oversikt over kommunale tilbod til ungdom på fritida.

Utstyr til sport og fritid kan du låne via Way Forward eller frå BUA, utstyrsbua på Ågotnes.

• Way Forward
• BUA

Innbyggartorga og biblioteka har gratis tilbod og tenester til alle aldersgrupper. Her finn du bøker, lydbøker, ebøker, film og musikk. Du kan låne fiskestenger, redningsvestar og dataspel, eit rom å møtast i, eller vere med på aktivitetar og arrangement som kodekurs, Pokemonklubb, verkstader, lesegrupper og teaterframsyningar. Sjå meir på www.bibvest.no

På aktiv kommune finn du mange lag og organisasjonar som tilbyr aktivitetar.