Med hushald meiner ein ektefellar, registrerte partnarar og sambuarar. Som sambuarar reknar ein to ugifte personar over 18 år som bur saman, og som har budd saman i eit ekteskapsliknande forhold i minst 12 av dei siste 18 månadene, eller har felles barn. Dersom søkjar er sambuar utan felles barn, må søkjar opplyse kommunen om dette.

Dersom foreldra til barnet bur kvar for seg, og barnet bur fast hos begge foreldra, er det inntekta til hushaldet til den forelderen som har same folkeregistrerte adresse som barnet, som skal leggjast til grunn i vurderingane etter denne føresegna.

Med inntektene til hushaldet meiner ein hushaldet si samla brutto personinntekt etter skattelova kapittel 12 og skattepliktige kapitalinntekt.

Dersom grunnlaget for siste fastsetjing av formues- og inntektsskatt for hushaldet ikkje kan utleverast av skattestyresmaktene, og kommunen av den grunn ikkje klarer å fatte vedtak før 1. august, skal kommunen be søkjar om å levere skattemeldinga for det siste året og eventuell skattepliktig kapital- eller personinntekt som ikkje er førehandsutfylt.

Betaling for kost kan komme i tillegg.

Foreldrebetalinga i Øygarden varierar både med plasstypar på enkeltskular, og mellom skular. Sjå oversikt under for å finna ut samanheng mellom plasstype og inntektsnivå i hushaldet.

Eit hushald med inntekt på 400 000 vil få denne reduksjonen: 6% av 400 000 = 24 000,-
Dette betyr at foreldrebetalinga skal vere max 24 000 per år for eleven frå dette hushaldet. 

Dersom eleven frå hushaldet har ordinær heil plass til 2 795 per månad (27 950 per år) vil reduksjonen bli: Ordinær: 27 950 

6% maks: 24 000
Forskjell på dei to: 3 950
Årleg foreldrebetaling reduserast med 3 950 kroner.

Månadlege faktura for SFO blir justert i tråd med vedtak.