Før du går i gang med eit byggeprosjekt, kan det vera nyttig å ta kontakt med oss for å få rettleiing.

Byggesak har rettleiing på telefon og nettmøte.

Reserver møte med byggesaksvakta 

Vi ønskjer å hjelpe flest mogleg, og har difor 15 minuttar til kvar samtale.

Du kan også sende ei generell førespurnad til byggesak.

Treng du meir detaljerte avklaringar,  sjå førehandskonferanse under.

Vi gjer merksam på at søknader ikkje skal til byggesaksvakta. Sjå under korleis du sender inn søknad.

Kva hjelper byggesaksvakta meg med?

Byggesaksvakta svarer på generelle spørsmål om byggesøknader og gir rettleiing om kvar du finn:

• Naudsynt informasjon
• Regelverk
• Riktig søknadsskjema
• Behov for situasjonskart
• Krav til teikningar

Kva hjelper ikkje byggesaksvakta meg med?

Vi kan ikkje teikne, prosjektere eller fylle ut søknaden din. Dette er på grunn av at kommunen ikkje kan handsame søknader som den sjølv har bidratt med å fylle ut. Vi kan forklare kva slags informasjon som blir etterspurt i søknadsblankettens enkelte poster.

Vi kan ikkje rettleie i pågåande byggesaker. Har du spørsmål til ei pågåande byggesak er det sakshandsamar i den aktuelle saka du må forhalde deg til.

Vi kan ikkje gje deg eit konkret estimat på prisen på din byggesøknad. Dette vil avhenge av om det er naudsynt med dispensasjon, mangelbrev m.m.

Har du eit spørsmål til saksbehandlaren din i ei pågåande byggjesak? Då kan du bestille eit telefonmøte her.

Denne tenesta er berre for dei som har ein aktiv søknad til behandling hos byggjesak, og som har fått tildelt ein saksbehandlar.

For alle andre førespurnader til byggjesak må ein bestille eit møte med byggjesaksvakta eller sende ein skriftleg førespurnad til byggjesak via skjemaløysinga vår.

Om du ynskjer at nokon skal sjekke kvaliteten på søknaden eller hjelpe til å ferdigstille søknaden, må du kontakte fagfolk. Viss du synast heile søknadsprosessen er vanskeleg vil vi anbefale deg å kontakte eit ansvarleg føretak (byggmeister / arkitekt) som kan hjelpe deg med dette. Det vil spare deg for mykje tid og eventuelle problem i søknadsprosessen.

Vi gjer merksam på at ved mangelfulle søknader vil det oppstå ekstra kostnader og lengre sakshandsamingstid. Vi anbefaler at det blir gjort ein grundig jobb med søknaden før den blir sendt inn, slik at sjølve handsamingsprosessen går raskare.

DIBK (Direktoratet for byggkvalitet)
Du finn tips og råd hos DIBK til kva du bør undersøkje før du set i gang. 

Planar som gjeld din eigedom samt mange andre opplysningar knytt til din eigedom.

Arealplanar

Her finn du kva det kostar for ein søknad.

Dei fleste søknader har ei handsamingstid på 12 veker. Dette gjeld rammesøknader, eit-trinnsøknader og endringssøknader.

For dispensasjonssaker går ikkje 12 vekers fristen i den perioden søknaden ligg til uttale hjå regionale/statlege myndigheiter.
Nokre søknader kvalifiserer til 3 vekers handsaming. Dette gjelder endringssøknader som er i samsvar med planar og lov, som ikkje krev samtykke eller uttale frå anna myndigheit, og der det ikkje er komme inn nabomerknadar.
Dette gjeld for eitt-trinnssøknader etter § 20-4.

Igangsettingssøknad, søknad om midlertidig bruksløyve og søknad om ferdigattest har 3 vekers sakshandsamingsfrist.

For spørsmål utover det som kan avklarast i byggesaksvakta, kan du bestille førehandskonferanse. Sakshandsamar vil ta kontakt med deg og avtale tidspunkt for gjennomføring.

Bestill førehandskonferanse

Søknaden kan sendast inn til kommunen på ulike måtar

• Via ByggSøk som er ei elektronisk løysing der skjema vert fylt ut på nettet, vedlegg vert lasta opp og søknaden vert send til kommunen.
• Via e-post til: postmottak@oygarden.kommune.no

Send inn elektronisk byggesøknad 

Dersom du ikkje ønskjer å senda søknaden elektronisk, kan den sendast per post til
Øygarden kommune
Ternholmvegen 2
5337 Rong

Om du ønskjer innsyn i tidlegare byggesaker på eigedomen, må du senda innsynskrav til postmottaket. Innsynskravet må innehalde minimum:

• Gards- og bruksnummer for eigedomen
• Tidsperiode saka er i frå
• Kva type dokumentasjon du er på jakt etter

Du finn meir informasjon om innsyn her.

Du kan booka rettleiing på telefon eller nettmøte

Vi ønskjer å rettleia flest mogleg, og har difor 20 minutt til kvar samtale.

Du kan også senda ei generell førespurnad til oppmåling

Her kan du skrive inn kva saka gjeld og vi sender eit skriftleg svar.

Vi gjer merksam på at rekvisisjonar skal sendast til kommunen sitt postmottak.

Kva kan oppmålingsvakta hjelpa deg med?

• Rettleiing kring rekvisisjon av oppmålingsforretning
• Gebyr for oppålingsforretning
• Regelverk for oppmåling og matrikkelen
• Rettleiing om korleis du kan finna informasjon om eigedomen din
• Rettleiing kring krav om retting
• Rettleiing kring erklæring om konsesjonsfritak (legg inn lenke når den er klar)
• Rettleiing kring samanslåing
• Spørsmål om adresse og adressenamn
• Rettleiing for utarbeiding av situasjonskart (vis til ny side når den er klar)

Kva hjelper oppmålingsvakta deg ikkje med?

Spørsmål om byggesak, frådeling og seksjonering skal rettast mot avdeling for byggesak.

Vi fyller ikkje ut rekvisisjon, krav om retting eller andre dokument for deg. Dette må du sjølv fylle ut, signera og sende inn til kommunen.

Kommunen kan ikkje avgjera tvist eller usemje kring grenser og eigedomsforhold. Oppmåling kan gje generell rettleiing til korleis de kan gå fram for å løyse tvist. Les meir om tvist eller uklåre grenser her.

Oppmålingsvakta kan ikkje ta imot klage på oppmålingsforretning eller klage på andre vedtak som er gjort. Dette må du sende inn skriftleg til postmottak.

Oppmålingsvakta kan ikkje ta i mot ønskjer om retting av opplysningar i kart/matrikkel. Dette må du sende inn skriftleg, sjå retting i matrikkelen.

Vi kan som hovudregel ikkje opplysa om eigarforhold, dette kan du sjølv sjekka via Kartverket sine tenester. Sjå Eiendomsregisteret - Søk og finn info om en eiendom. 
 

Har du eit spørsmål til saksbehandlaren din i ei pågåande oppmålingssak? Då kan du bestille eit telefonmøte her.

Denne tenesta er berre for dei som har ein aktiv sak til behandling hos oppmåling, og som har fått tildelt ein saksbehandlar.

For alle andre førespurnader til oppmåling må ein bestille eit møte med oppmåling eller sende ein skriftleg førespurnad til oppmåling via skjemaløysinga vår.

Kartverket har innhaldsrike nettsider kring det som gjeld eigedom, matrikkel, lovverk, tinglysing, arv, skifte osv.

Du finn også mykje informasjon på kommunen sine nettsider for oppmåling. 

Her finn du oversikt over gebyr for dei ulike tenestene til oppmåling.

Sakar som krev oppmålingsforretningar har ein frist på 16 veker, jf. matrikkelforskrift §18 (1). Fristen vert forlenga med den tida som går med til supplering eller tilbakemelding, tid tinglysing og liknande. Om vinteren, i perioden 01.12 - 31.03, går ikkje fristen, jf. gebyrregulativ og matrikkelforskrift §18 (3).

Saka di går fortare dersom du sender inn all nødvendig dokumentasjon ved rekvisisjon, og betalar fakturaen så snart som mogleg, og følger opp det som landmålar ber om undervegs i saka når det kjem til signatur, pantefråfall eller liknande.

For sakar som ikkje krev oppmålingsforretning er det eigne fristar, sjå matrikkelforskrift §19.

Merk: Rettesakar som gjeld eigedomsgrenser vil verta nedprioriterte i tider med stor arbeidsmengde. Hovudregelen for oppdatering av eigedomsgrenser er at ein må rekvirera oppmålingsforretning, jf. matrikkellova §26 tredje ledd. 

Send inn rekvisisjon eller andre dokument til postmottak:

• E-post: postmottak@oygarden.kommune.no 
• Post: Øygarden kommune, Ternholmvegen 2, 5337 Rong

Hugs naudsynte vedlegg! Sjå meir om din sakstype og krav til innsendinga på oppmåling sine informasjonssider.

Dersom du ønskjer innsyn i tidlegare oppmålingssakar på eigedomen, sender du innsynskrav til postmottak. Innsynskravet må innehalde minimum:

• Gards- og bruksnummer for eigedomen
• Tidsperiode saka er i frå
• Kva type dokumentasjon du er på jakt etter

Har du eit spørsmål knytt til landbruk eller forureining? Då kan du bestille eit telefonmøte her.

Denne tenesta er berre for dei som ønskjer kontakt med rådgjevar, anten med korte, generelle spørsmål, eller spørsmål i pågåande sak.

Her finn du informasjon om korleis du kan senda inn klage og melda frå om akutt forureining.

Har du eit spørsmål til saksbehandlar i ei pågåande klagesak, tilsynssak eller lovbrotssak? Då kan du bestille eit telefonmøte her.

Denne tenesta er for dei som vil kontakte kommunen om ei pågåande sak som har fått tildelt ein saksbehandlar.

Her kan du melda frå om bygging som kan vera ulovleg.