Registrer deg hjå politiet

Søknad om alternativ mottaksplass skal sendast til UDI. Før du søkjer, må du ha registrert deg hjå politiet og fått DUF-nummer og d-nummer. Inntil vidare skal du møta opp på Scandic Kokstad for å registrera deg som asylsøker.

Adressa til hotellet er Kokstadflaten 2, 5257 Kokstad. Les meir her. 

Du må også ha funne ein stad å bu, til dømes:

• hjå familiemedlemer som er busett i ein kommune
• hjå andre private personar som har tilbode stad å bu

Slik søkjer du

• Det er UDI som skal ha søknaden om alternativ mottaksplass.
• Du kan søkja så fort du har fått digital ID fra norske styresmakter
• Bruk skjemaet som heiter «1. Vanlig skjema» på denne sida.

Søk om Alternativ mottaksplass

Kva skjer vidare?

UDI tek så kontakt med kommunen for å spørja om kommunen vil akseptera søknaden om alternativ mottaksplass. Målet er at søknadene skal behandlast raskt.

Dersom kommunen seier nei, vil du framleis ha rett til plass på akuttinnkvartering eller asylmottak.

Dersom du får ja på søknaden, vil du få om lag 2 500 kroner per person i månaden til buutgifter. I tillegg får du pengar til livsopphold i samsvar med satsane frå UDI. Den du bor hjå, får ikkje pengar frå UDI eller kommunen.

Satsar

Følgjande satsar vert lagt til grunn ved utbetaling av livsopphaldytingar til asylsøkjarar som kjem inn under ordninga med alternativ mottaksplassering. Livsopphaldssatsane er dei same satsane som UDI nyttar til bebuarar med søknad om vern under handsaming. Satsane vert vedteke i formannskapsmøte 19. april. 

NB! Einslege mindreårige er ikkje omfatta av den utvida ordninga for alternativ mottaksplass. Dersom du er einsleg mindreårig asylsøkjar, kan du søkja om alternativ mottaksplass etter den vanlege (ordinære) ordninga.

Les meir på nettsida til UDI

Prosessen med å ta imot flyktningar frå Ukraina og busetja dei i kommunen følgjer same prosedyrar som busetjing av flyktninger frå andre land. 

Det er Integrerings- og mangfaldsdirektoratet (IMDi) som ber kommunane om å busetja flyktningar. 

IMDi har bedt Øygarden kommune om å ta i mot 140 flyktningar. Kommunestyret i Øygarden har vedteke å gje kommunedirektøren fullmakt til å ta i mot inntil 250 flyktningar i 2022.

Det er fleire måtar flyktningar kan verta busette i Øygarden på: 

Busetjing via IMDi

Personar som har fått opphaldsløyve, vert busett i Øygarden av Integrerings- og mangfaldsdirektoratet.

Sjølvbusetjing

Personar som har fått opphaldsløyve kan sjølv finna ein bustad og søkja om å få bu i Øygarden. Ein må ta kontakt med kommunen og avklara moglegheitene. Kommunen må også avtala dette med Integrerings- og mangfoldsdirektoratet (IMDi). 

Busetjing på eige initiativ

Personar som klarer seg sjølv økonomisk og har ein stad å bu, står i utgangspunktet fritt til å busetja seg på eige initiativ, utan avtale med korkje IMDi eller kommunen. Da har ein ikkje krav på introduksjonsprogram og ein kan også mista rett til andre ytingar.

Alternativ mottaksplass (AMOT)

Personar som kjem til Noreg, får tilbod om å bu på akuttmottak (asylmottak) medan dei ventar på å få vern og opphaldsløyve. I nokre tilfelle kan ein søkja om å bu privat medan ein ventar. Dette vert kalla alternativ mottaksplass (AMOT). Både kommunen og Utlendingsdirektoratet (UDI) må godkjenna ein søknad om alternativ mottaksplass. 

Som ny flyktning i Øygarden kommune kan du ha rett og plikt til å delta i eit introduksjonsprogram dersom du er mellom 18 og 55 år.

Meir informasjon om introduksjonsprogrammet finn du på heimesida til regjeringa

I somme tilfelle vil også familiesameinte ha rett og plikt til å delta i introduksjonsprogram. 

Mål med introduksjonsprogrammet

• Opplæring i norsk og samfunnskunnskap
• Tiltak som førebur til vidare opplæring eller jobb
• Økonomisk uavhengigheit

Her er oppdatert informasjon om introduksjonsprogrammet (pr. juli 2022).

Stønad under introduksjonsprogrammet

• Deltaking i programmet gjev rett til introduksjonsstønad
• Stønaden utgjer to gonger grunnbeløpet til folketrygda på årsbasis
• Deltakarar under 25 år mottek 2/3 stønad
• Stønaden er skattepliktig

Søknad om introduksjonsprogram for deg med kollektiv beskyttelse finn du i mottaket hjå NAV Øygarden. 

Skuletilbod til flyktningar i Øygarden

Organisering av skuletilbod for flyktningar i Øygarden kommune. Kommunen arbeider kontinuerleg med å tilpassa skuletilbodet.  

Skuleplan - lokalisering

Barn og unge frå mottaket på Nautnes:

• 1. - 7. trinn - Toftøy skule
• 8. - 10. trinn - Tranevågen ungdomsskule i samarbeid med Øygarden ungdomsskule

Barn og unge som er nykomen i kommunen:

• 1. - 7. trinn - Knappskog skule
• 1. - 7. trinn - Toftøy skule
• 8. - 10. trinn - Nærskulen, ev. i samarbeid Tranevågen ungdomsskule

Informasjon og opplysningar kring skulestart

Mottaket på Nautnes har kontakt med Toftøy skule og Tranevågen skule, medan andre førespurnader om skuletilbod går gjennom cecilia.byrknes@oygarden.kommune.no, mobil 977 72 775. 

Skulenettsider

• Toftøy skule
• Knappskog skule
• Tranevågen ungdomsskule
• Øygarden ungdomsskule