Meir enn eit bygg

- Boss er ein ressurs, og gjenvinning er svært viktig for utviklinga. Det sa ordførar Tom Georg Indrevik då han klipte snora ved det inngangen til det nye bygget til Franzefoss i Knarrvika på onsdag. Sigba Eigedom er byggherre og leiger bygget ut til Franzefoss.
Les meir.

Nasjonal lesepris til Læringsverkstedet Valen barnehage

Ordførar Tom Georg Indrevik hadde fredag 17.april med seg gratulasjonar og kake til Læringsverkstedet Valen. Barnehagen fekk under Lesekonferansen som Lesesenteret ved Universitet i Stavanger arrangerer kvart år, tildelt Nasjonal lesepris 2026 for grundig og målretta arbeid med høgtlesing, litteratur og godt samarbeid med føresette.
Les meir.

Minnemarkering etter helikopterulukka i 2016

Den 29. april er det 10 år sidan den tragiske helikopterulukka ved Turøyna. 13 personar omkom i ulukka. I samarbeid med Equinor arrangerer Øygarden kommune ei minnemarkering.
Les meir. 

Snakk med ordføraren!

- Du er velkomen til ein prat over ein kopp kaffi. Det seier ordførar Tom Georg Indrevik som denne og neste veke er å treffa på Rong og i Skogsskiftet 23. og 30. april mellom klokka 14 og 17. Ordføraren «flyttar kontoret sitt» til kommunedelsentera nokre timar denne og neste veke.
Les meir.

Søk om tilskot til integreringsarbeid

Det er framleis mogleg å søkja om tilskot til integreringsarbeid frå Integrerings- og mangfaldsdirektoratet (IMDi). Kultur opplyser at det er om lag 230 tusen kroner igjen i potten. Hovudmål med tilskotsordninga er å auka arbeids- og samfunnsdeltakinga blant personar med innvandrarbakgrunn.
Les meir.

Markering av frigjerings- og veterandagen

Fredag 8. mai 2026 markerer vi frigjeringa av Noreg og heidrar veteranar som har gjort teneste – frå andre verdskrig og fram til dagens internasjonale operasjonar.D
Les meir.

Fullt bibliotek under ungdomsstyrt mobiliseringskveld

Det var god stemning og høgt engasjement då ungdomsrådet tysdag ettermiddag og kveld inviterte til mobiliseringsarrangement på innbyggartorget og biblioteket. Med leiar i ungdomsrådet, Alva Betine Kilvik, som trygg og samlande los, vart deltakarane tekne med gjennom ein kveld der samarbeid, idémyldring og tru på eigne ressursar stod i sentrum.
Les meir.

Viste seg fram på frivilligdagen

- Vi får gode samtalar med ungdomen, seier June Dåvøy som er engasjert i Natteravnene. Ho representerer eín av mange frivillige som stod på stand på frivilligdagen i Øygarden på Thon Senter Sartor på laurdag. Det var ordførar Tom Georg Indrevik som opna frivilligdagen klokka 11. Han let seg imponera av det store mangfaldet i organisasjonslivet i Øygarden.
Les meir.

- Eg opplever meg velkomen til Øygarden

Grete Hansson var eín av dei vel 30 personane som møtte opp på velkomstsamlinga for nyinnflyttarar til Øygarden. 
- Øygarden var førstevalet mitt då eg skulle flytta frå Askøy, seier Grete etter å ha fått med seg velkomstsamlinga med ordførar Tom Georg Indrevik i spissen på innbyggartorget og biblioteket på Straume på laurdag.
Les meir.

Øvde på mogleg datainnbrot

Den kommunale kriseleiinga gjennomførte på torsdag ei beredskapsøving der øvingsoppgåva var mogleg datainnbrot. Ein konsekvens av datainnbrotet var mellom anna forseinka utbetaling av løn.
Les meir. 

Ønskjer ikkje å opna bassenget ved Fjell ungdomsskule

Plan og miljøutvalet slutta seg til innstillinga frå kommunedirektøren og tilrår at bassenget ved Fjell ungdomsskule ikkje vert opna. Det vert lagt til grunn at behovet for lovpålagt symjeopplæring vert ivareteke gjennom eksisterande bassengkapasitet ved Stranda, Ågotnes og Hjeltefjorden. 
Les meir. 

Bokkafe på Øygarden ungdomsskule

Tenk deg 105 lesande ungdommar samla i eit rom. Rundt små bord sit elevane gruppevis. Det er heilt stille. Ein høyrer knapt at dei blar seg vidare. Alle les. Eit lite pling i ei klokke, og bokpraten om boka dei har lese i, er i gang.  
Les meir.

Ordførar Tom Georg Indrevik denne veka (17)

• 20.04.:  One Ocean-konferanse i Håkonshallen 
               PWC Leiararrangement
• 21.04.:  Nordsjø-kommisjonen
               DNB One Ocean-konferansen 
               Ungdomsarrangement på Straume 
• 22.04.:  Møte om Bergen Havn 
               Innlegg på CCS-konferanse Northern Lights
               Opning nytt bygg, Franzefoss
               Møte med Equinor 
• 23.04.:  Beredskapsøving
               Kontordag Rong 
               Besøk Midtre Sotra skulekorps
• 24.04.:  Panelsamtale Universitetet i Bergen
               Interne møte
• 25.04.:  Bergen City Marathon
   

Ordføraren neste veke (18)

• 27.04.:  Interne møte
              Møte om Arenaveien 
• 28.04.:  Christiekonferansen – Bergen
              Opning av Storebrand-konferanse, Panorama Hotel &   
              Resort
              Utviklingsnettverk KS (KS: fellesorganisasjon for 
              kommunane)
• 29.04.:  10 års minnemarkering helikopterulukka ved Turøyna
• 30.04.:  Frukostmøte om byutvikling
              Generalforsamling Bergen Havn Ågotnes AS
              Kontortid Skogsskiftet
• 03.05.:  Samling for frontkommunane