June Dåvøy (til venstre) og Trude Aase Nilssen stod på stand for Natteravnene

Det var ordførar Tom Georg Indrevik som opna frivilligdagen klokka 11. Han let seg imponera av det store mangfaldet i organisasjonslivet i Øygarden.

- Det frivillige arbeidet skapar samfunnet vårt. Eg er utruleg stolt når eg ser alt dette. Eg skulle gjerne vore med på alt dette, men det har sine avgrensingar. Det er mangfaldet som er viktig. Takk til alle som bidreg og Øygarden musikk- og kulturråd som held tak i dette, sa ordføraren.

Ordførar Tom Georg Indrevik roste det store mangfaldet i organisasjonslivet i Øygarden

Dette året gjekk premien for finaste stand til Hageselskapet Sotra. Knarrevik munnspillkorps vann beste aktivitet.

Alde Davidsen

Vi møter June Dåvøy på standen til Natteravnene. Denne organisasjonen har no fått lokale på senteret.

- I løpet av eitt år engasjerer vi 200 personar. Laget på Straume har 250 medlemer. Det er aktuelt å samarbeida med Natteravnene på Ågotnes. No går vi rundt her på senteret mellom klokka 18 og 22. Av og til går vi også i området ved Sotra Arena.

Catchy junior Crew

Natteravnene opplever at dei får god kontakt med ungdomen.

- Vi oppsøker dei gjerne og får ein god prat. Det er alltid minst tre natteravnarar som går saman, seier June Dåvøy.

Frå scena var det underhaldning ved Alde Davidsen, Catchy junior Crew og Knarrevik munnspillkorps.

Her er fleire bilete:

Tekst og foto: Vigleik Brekke