Eli Årdal Berland er død

Den første kvinnelege ordføraren i Fjell kommune, Eli Årdal Berland, døde 8. september 73 år gamal.
- Vi kjenner eit stort sakn, og tankane vår går til dei næraste, seier ordførar Tom Georg Indrevik. Høgrepolitikaren Eli Årdal Berland tok over som ordførar i Fjell då Lars Lie døde brått i 2010.
Les meir. 

Frp klart størst i Øygarden kommune

Framstegspartiet er det partiet i Øygarden som klart har fått størst oppslutnad i stortings- og sametingsvalet. Resultatet så langt viser at partiet har fått 34,7 prosent. Arbeidarpartiet er det nest største partiet med 21,1 prosent. Frammøteprosenten i Øygarden var 82,2 prosent. I 2021 var oppslutnaden 79,6 prosent.
Les meir.

Opnar sentrumsgate Grønamyrvegen

Den oppgraderte Grønamyrvegen på Straume vert om kort tid opna for trafikk. Litt før gata vert teken i bruk, er det offisiell opning. Dette skjer onsdag 17. september. Møt gjerne opp i området ved Odeon Kino Sotra/Solsio kl 12.00 på onsdag. Då vert det informasjon om prosjektet, elevinnslag, talar og snorklipping ved varaordførar Anita Garlid Johannessen.
Les meir.

- Det var nok katten som redda meg

Hans Jarle Einarsen gler seg over at han lever. Det var nære på i september 2022 då han vart ramma av hjarteinfarkt. Det gjekk heldigvis godt. Onsdag kveld står han ved sida av hjartestartaren på Skålvika. Saman med leiar i idrettsrådet Sturle Halleraker står han som nestleiar i bresjen for 20 hjartestartarkurs i regi av Røde Kors Førstehjelp.
Les meir.

Ny nettside for pårørande i Øygarden kommune

Gjennom eit læringsnettverk arrangert av Utviklingssenter for heimetenester og sjukeheim, har ei gruppe på fire deltakarar frå Øygarden kommune møtt jamleg og deltatt på samlingar i Bergen. Målet har vore å utvikla eit prosjekt for å styrkja samarbeidet med pårørande.
Les meir.

Kyrkjejubileum: - Det viktigaste er kva vi fyller bygget med

Den store jubileumsdagen for Hjelme gamle kyrkje fekk perfekte rammer med strålande ver og full kyrkje på gudstenesta 7. september. Mange hadde ordet både under gudstenesta og samlinga etter kyrkjekaffien.
- Det viktigaste er kva vi fyller bygget med, sa ordførar Tom Georg Indrevik. 
Les meir.

Desse overnatta ute natt til sundag

Laurdag kveld var det ekte leirstemning i Smivågen på Tyssøyna. Saman med ordførar Tom Georg Indrevik og varaordførar Anita Garlid Johannessen var 20 speidarar, små og store, klare for overnatting.
- Her er litt mykje mygg, men det går bra, seier Sofie Margrethe Brekke Trellevik og Sondre Mathias Trellevik Syljeset.
Les meir.

Varaordførar Anita Garlid Johannessen denne veka (37)

• 08.09.:  Møte med ordførar
• 09.09.:  Nettmøte for kommunepolitikarar i Vestland
               Dialog og status, møte med ordførar
• 10.09.:  Valstyret 
               Oppfølging CCB
               Hjertestartarkurs hjå Nest Sotra
• 11.09.:  Førebu Sotra Kystby-samling
               Førebu kommuneplanutvalet
               Styremøte Bymuseet

Ordførar Tom Georg Indrevik denne veka (37)

• 08.09.:  Val
• 09.09.:  Digitalt seminar med Vestland fylkeskommune om høring av to nye regionale  
               planar
• 10.09.: Møte Skogsvåg IL 
              Valstyret 
              Møte med Bergen kommune
              Hjertestartarkurs Nest-Sotra 
• 11.09.:  Interne møte
• 12.09.:  Sentralstyremøte Høgre, Oslo 
• 13.09.:  Helsing Sotra Karateklubb, arrangement i Sotra Arena 

Ordføraren neste veke (38)

Ferie