Arbeidet med sentrumsgate Grønamyrvegen nærmar no seg slutten.

Møt gjerne opp i området ved Odeon Kino Sotra/Solsio kl 12.00 på onsdag. Då vert det informasjon om prosjektet, elevinnslag, talar og snorklipping ved varaordførar Anita Garlid Johannessen. I etterkant av snorklipping kan du nyta sykkelshow med Moow og få sykkelsjekk ved Basecamp.

Prosjektet sentrumsgate Grønamyrvegen er finansiert gjennom Miljøløftet. Formålet er å oppgradera gata til gatestruktur med større fokus på gåande og syklande.

Den offisielle opninga av gata skjer i «Europeisk mobilitetsveke» som strekkjer seg frå 16. til 22. september. Temaet i 2025 er «Mobilitet for alle», og nettopp sentrumsgate Grønamyrvegen passar godt inn i temaet for mobilitetsveka.

Tidlegare på dagen den 17. september er det skateshow og sykkelaktivitetar på sykkel- og skatebanen ved Spildepollen skule. Det vert også sykkelservice ved Basecamp. Arrangementet her startar klokka 09.00.


Tekst: Vigleik Brekke
Foto: Are Mjøs, Sartor Drange