Valmedarbeidarar frå Foldnes krins, Bjarne Kahrs og Sigrid Hiller, leverte røystene på rådhuset litt etter klokka 22. Til høgre; Espen Harkestad.

Seint innkomne førehandsrøyster er med i desse tala.

Resultatet viser elles at Høgre får 17,0 prosent og KrF 8,0 prosent. Ove Trellevik frå Øygarden er andrekandidat for Høgre og er sikra plass på Stortinget i komande periode.

Framstegspartiet gjer altså eit kraftig byks opp samanlikna med valet i 2021. Arbeidarpartiet går også fram, medan Høgre går kraftig tilbake.

Klokka 22.08 kom valmedarbeidarane frå Foldnes, som første krins, inn med røystene på rådhuset. Leiar for valmedarbeidarane i Foldnes-krinsen, Bjarne Kahrs, seier at det har gått fint med gjennomføringa av valet og at det har vore jamt og trutt med folk som har møtt opp.

- Denne gongen fekk vi besøk av valobservatørar. Det er første gongen eg har opplevd dette. Dei stilte fleire spørsmål, mellom anna korleis vi sikrar universell utforming, seier han.

Frammøteprosenten i Øygarden var 82,2 prosent. I 2021 var oppslutnaden 79,6 prosent.

Andre parti

• Raudt: 3,5
• SV: 3,3
• MDG: 2,4
• Sp: 2,6
• Venstre: 2,3
• Generasjonspartiet: 1,2
• Pensjonistpartiet: 1,1
• Konservativt: 0,8
• Industri- og Næringspartiet: 0,7
• Norgesdemokratene: 0,7
• Partiet DNI: 0,2
• Fred og Rettferdighet (FOR): 0,2
• Velferd og Innovasjonspartiet: 0,2
• Partiet Sentrum: 0,1 

         (oppdatert 09.09. kl. 18.45)

Her kan du følgja resultata på nettsida til Valdirektoratet.