Viste fram eit berekraftig Øygarden

- Øygarden kommune er den leiande havkommunen i Noreg. 
Ordførar Tom Georg Indrevik var tydeleg på det då han saman med fylkesvaraordførar Stian Davies ønskte rundt 200 deltakarar velkomen til Ocean Odyssey om bord i Statsraad Lehmkuhl på torsdag. Arrangementet er ein del av One Ocean som har ei lang rekkje med samlingar denne veka der det handlar om debatt, erfaringsutveksling knytt til ei berekraftig utnytting av havet.
Les meir.

Eitt steg nærare anlegg for karbonfangst på Stura 

Denne veka vart det avklart at eit eventuelt anlegg for å fanga og lagra CO2 i regi av Equinor skal lokaliserast på Stura. Equinor vart i 2022 tildelt lisens for lagring av CO2 i det geologiske reservoaret Smeaheia under Nordsjøen. Selskapet starta planprosessar både i Øygarden og Alver før det vart gjort endeleg val kvar ein skal ha eit eventuelt anlegg for karbonfangst.
Les meir.

Stengjer eitt felt om natta på riksveg 555

Eitt av felta på riksveg 555 vert stengt om natta i fire døger i området ved Stovevatnet/Stekervika frå fredag 19. april. Det skal etablerast ei omkøyring på riksvegen, og det er i samband med etableringa av denne at eitt felt vert stengt i perioden kl. 22.00 – 05.30 frå fredag 19. april til tysdag 23. april.
Les meir. 

Elevbesøk frå Frankrike

Både skuleåret 2018/19 og skuleåret 2022/23 har Fjell ungdomsskule vore heldige og fått tildelt Trollmidlar til studietur til Frankrike. Begge gonger har vi samarbeidd med ungdomsskulen Collège Emile Zola i Sotteville-lès-Rouen.
Les meir.

Håpar fleire bedrifter vil delta på jobbmesse

Den 9. mai inviterer Øygarden kommune, NAV og Vest Næringsråd til jobbmesse for flyktningar. Kommunen prioriterer arbeidet med å få fleire flyktningar i arbeid.
Les meir.

- Utan det frivillige stoppar Noreg

Fredag ettermiddag var det atter ein gong mønstring av det frivillige arbeidet i Øygarden.
- Vi treng fleire frivillige, seier Ester Vetås i Øygarden lokallag av NFU (Norsk Forbund for utviklingshemma).
Les meir. 

Forhandlingsstart for KS-området

Måndag 15. april starta forhandlingane mellom KS og forhandlingssamanslutningane (KS: fellesorganisasjon for kommunane). Tariffoppgjeret for 2024 er eit hovudoppgjer der det skal forhandlast om ein ny toårig hovudtariffavtale. Lønsdanninga i Noreg byggjer på frontfagsmodellen som inneber at konkurranseutsett industri forhandlar først. Så langt har ein unngått streik.
Les meir.

Gjennomfører bore- og sprengingsarbeid ved Liljevatnet

I veke 17 frå måndag 22. april startar førebuande fylle- og borearbeid med omlegging av gangveg ved Liljevatnet barnehage. Det må påreknast noko støy ettersom lastebil, platevibrator og gravemaskin vert brukte for å utføra arbeidet. Arbeidet vil ta om lag fire veker og venteleg vera sluttført i veke 21. Arbeidstidene er mellom klokka 07.00 og 17.00.
Les meir.

Ordførar Tom Georg Indrevik denne veka (16)

• 15.04.:  One Ocean Summit
                Middag – One Ocean
• 16.04.:  One Ocean-konferanse
               Arealdebatt Kystmuseet
• 17.04.:  One Ocean Week
• 18.04.:  Møte med aktørar i Energiparken 
               One Ocean tur/seminar
               Middag Øygarden næringsutvikling 
• 19.04.:  AU møte – Høgre 
               Møte med NHO Reiseliv
               Lunsj med franske elevar 
               Opning av Frivilligdagane 
• 20.04.:  Krafttak mot kreft
• 21.04.: 100-årsfeiring 

Ordføraren neste veke (17)

• 22.04.:  Interne møte 
               Innlegg for Voss eldreråd
                Middag i samband med Christie-Konferansen
• 23.04.:  Innlegg på Christie-konferansen 
               Møte i Høgre ekspertpanel om vald i nære relasjonar
• 24.04.:  Ulike interne møte 
               Arrangement i sentrum 
• 25.04.:  Besøk på Bedehuskanalen 
               Arbeidsverkstad kommunestyret 
               Middag Frontkommunane
• 26.04.:  Miljøløftet
               Årsmøte Vestnorsk Brusselkontor

Varaaordførar Anita Garlid Johannessen denne veka (16)

• 15.04.:  Interne møte
               Møte i KS fylkesstyret (KS: fellesorganisasjon for kommunane)
               Kampen om havet
• 16.04.:  One Ocean Konferansar (Grieghallen og Kystmuseet)
               Styremøte Bustadstiftinga
               Opning av Jula
• 17.04.:  Generalforsamling Sambygg
               Fellesmøte eigarstiftingar
• 18.04.: Ocean Odyssey
              Avslutningsmiddag for Hanne Lokøy Misje
• 19.04.-21.04.:  Landsmøte FrP

Varaordføraren neste veke (17)

• 22.04.:  Interne møte
               Reiser til Sogndal
• 23.04.:  Tirsdag – klimaomstilling i Sogndal
• 24.04.:  Klimaomstilling i Sogndal
• 25.04.:  Eldrerådet 
              Arbeidsmøte kommunestyret
• 26.04.:  Årsmøte vannrådeutvalget