Definisjon

Med hybel meiner vi rom i eksisterande bustad som vert nytta til utleige og der ein deler kjøken, bad og WC anten med andre hyblar eller primærbustaden. Hybel er ein del av bustaden og inngår i same branncelle. Hybelen er ikkje ei sjølvstendig bueining. 

Kva tid må du søkja om løyve? 

Du kan leiga ut inntil til to hybelrom i ei eksisterande bueining (det vert ikkje skilt på om bueiningane er godkjende som einebustader, eller to-, tre- eller firemannsbustader) utan å senda inn søknad. 

Ved etablering av meir enn to hyblar må du senda inn søknad. Det må altså sendast inn ein søknad dersom du leiger ut tre eller fleire rom i ein bustad og ikkje bur i bustaden sjølv. Dersom du leiger ut heile bustaden til éin familie, er det ikkje krav om søknad. 

Krav som må oppfyllast

Søknad om bruksendring (frå eksempelvis ein einebustad) til hybelkollektiv/bustad med hyblar skal gjerast av eit ansvarleg føretak. 

I tillegg til krav om ansvarleg føretak, må eigedomen og tiltaket passa inn i omgjevnadane.

Samstundes må tiltaket oppfylla følgjande krav:

• Parkeringsvedtaka i arealdelen i kommuneplanen er utgangspunktet for berekninga av minimum/maksimum tal biloppstillingsplassar for primærbustaden. I tillegg vil det ved etablering av hyblar utløyse krav om 0,5 biloppstillingsplassar for bil og minst éin sykkeloppstillingsplass per hybel.
• Kravet til uteoppholdsareal for primærbustaden må løysast i samsvar med vedtak og retningslinjer. Vidare er det krav om minst 50 kvadratmeter uteopphaldsareal per hybel.
• Kommunen må vurdera søknaden opp mot andre relevante forhold. Dette er ikkje ei uttømmande liste.

Her finn du mer om hybelvedtaka (kjem)

Definisjon

Påbygg er ein ny bustaddel som vert plassert på ein eksisterande konstruksjon. Ein ekstra etasje er eit typisk påbygg.

Tilbygg er ei utviding av grunnflata på ein bygning (fotavtrykk).

Underbygg er ei utviding av bygget nedover (til dømes kjellar)

Krev ikkje søknad

Dersom tilbygg er på inntil 15 kvadratmeter, for eksempel balkong, veranda og liknande, ope overbygd inngangsparti eller ved- og sykkelbod, treng du ikkje å søkja. 

Viktige føresetnader

• Tilbygg kan ikkje innehalda rom for varig opphald, og kan heller ikkje innehalda ei eiga sjølvstendig bueining (leilegheit).
• Avstand frå nabogrensa må vera minimum 4 meter.
• Tiltaket må ikkje koma i strid med plan- og bygningslova, gjeldande planar eller anna regelverk som veglova og jernbanelova.
• Dersom du tilhøyrer eit busameige eller eit burettslag, må styret godkjenna det du søkjer om.
• Byggninga vert oppført minst 30 meter frå midtlinja til næraste jernbane.

​Krev søknad

Du kan senda byggjesøknad på eiga hand dersom:

Det er eit einskilt tilbygg der samla bruksareal (BRA) eller bebygd areal (BYA) er under 50 kvadratmeter, kan du søkja sjølv. Tilbygget kan i tillegg ha kjellar.

Krev søknad sendt inn av fagfolk

Følgjande krev søknad med hjelp av fagfolk

• Alle påbygg krever søknad med hjelp av fagfolk.
• Alle tilbygg der samla bruksareal (BRA) eller bebygd areal (BYA) er over 50 kvadratmeter, må søkjast med hjelp av fagfolk.

Definisjonar

• Platting (utegulv) er opparbeidd del av uteareal som ligg direkte på bakken eller lågt over terreng. Utegulv kan vera av til dømes stein, tre eller betong.
• Terrasse er planert avsats for uteopphald med direkte tilkomst frå både terreng og huset, ikkje overbygd. Kan vera av ulikt materiale. Takterrasse: uteopphaldsareal på eit flatt tak.
• Veranda er eit ytre opphaldsrom innebygd eller som tilbygg i ein bygning med ein eller fleire ytterveggar fjerna, eller erstatta av glassveggar (glassveranda).
• Balkong er opphaldsplass på husfasade, utkraga frå vegg, opphengt eller understøtta, omgjeve av rekkverk.

Krev ikkje søknad

• Platting, terrasse eller utegolv med høgde under 0,5 meter i område med arealformål byggjeområde. Her gjeld ingen avstandsreglar.
• Balkong, veranda og liknande, eller ope overbygga inngangsparti inntil 15 kvadratmeter. Kan ikkje innehalda rom for varig opphald og må ha avstand frå nabogrensa på minimum 4 meter
• Frittliggjande terrassekonstruksjon

Husk at du sjølv har ansvar for å sjekka at det du skal byggja ikkke kjem i strid med plan- og bygningslova, gjeldande planar eller anna regelverk. Dette kan også påverke om du må søkja eller ikkje.

Krev søknad

Følgjande krev søknad og du kan søkja sjølv:

• Platting, terrasse eller utegolv med høgde over 0,5 meter
• Avstandsreglar gjeld, og tiltaket kan ikkje plasserast utanfor byggjegrense
• Tiltaket har samla bruksareal eller bebygd areal på inntil 50 kvadratmeter. Tiltaket må vera i samsvar med plan – og bygningslova, deriblant krav til høgde og avstand til nabogrense
• Tiltaket må vera i samsvar med gjeldande plangrunnlag, deriblant blant anna reglar om grad av utnytting, byggjegrenser og arealformål.
• Tiltaket må tilfredsstilla krava til estetikk
• Tiltaket må nabovarslast

Krev søknad sendt inn av fagfolk

Platting, terrasse eller utegolv med høgde over 0,5 meter og samla bruksareal (BRA) eller bebygd areal (BYA) over 50 kvadratmeter må søkjast med hjelp av fagfolk.

Skal du bruks bygget eller delar av det til noko anna enn det det er godkjend til? Vil du gjera loft eller kjellar om til soverom eller stove? Eller vil du gjera kontor om til bustad? Då må du søkja om bruksendring. På nettsidene til Direktoratet for byggkvalitet finn du meir om bruksendring og få rettleiing til søknad.

Fasaden på eit bygg er yttervegger og tak. Fasadeendringar kan til dømes omfatta:

• bytte av vindauge i yttervegg, tak, loft eller kjellar
• bytte av dører i yttervegg eller kjellar
• etterisolera, rehabilitera, tilbakeføra eller endra fasadekledning
• skifta eller etterisolera tak
• byggja inn balkong med glas, byggja, riva eller utvida balkong
• montering av varmepumpe, markise eller skilt

Mindre fasadeendringar er ofte ikkje søknadspliktig. Dersom endringa bryt/endrar karakteren av bygget og/eller utsjåande, vil det vil medføra at du må senda inn søknad.

Dersom du skal riva ein garasje, del av huset ditt, eller eit anna tiltak på eigedomen din, gjeld dei same reglane som ved oppføring av tiltak. Må du søkje om å byggja noko, må du også søkje om å riva det. 

Det vil altså vera søknadspliktig å riva eit tilbygg med stove eller soverom fordi det også er søknadspliktig å byggja eit tilbygg med stove eller soverom. 

Ved riving av tiltak større enn 100 kvadratmeter bruksareal, må det også utarbeidast ein avfallsplan og miljøsaneringsskildring. Ved riving/endring av tiltak på denne storleiken, er det krav om ansvarleg føretak som søkjer på vegner av deg.

Definisjon

• Carport er ein overdekt biloppstillingsplass for høgst to bilar, der minst halvparten av veggflatene manglar og berre to av veggene kan gå til golvet.
• Garasje er ein overdekt biloppstillingsplass der det er kledning på 50 % eller meir av dei fire areala av veggflatene. 

Må du søkja? 

Ein garasje eller carport er anten ein frittstående bygning eller eit tilbygg. Om du må søkja kommunen om løyve, eller om tiltaket er friteke fra søknadsplikt avheng av storleiken på tiltaket og kva reglar som gjeld for eigedomen din.

• Tilbygg? Meir informasjon om byggereglane dersom garasje/carport er eit tilbygg (heng saman med bustaden), finn du under punktet påbygg, tilbygg eller underbygg.
• Frittliggjande bygg? Meir informasjon om byggjereglar dersom garasje/carport er frittliggjande (ikkje heng saman med andre bygg på eigedomen) finn du under punktet frittliggjande bygg.

Dersom du skal dela opp eller slå samann bustader, kan du ikkje søkja sjølv. Då må du søkja med hjelp frå fagfolk (ansvarleg søkjar).

Di rolle i byggjesaka er å vera tiltakshavar. Det inneber at du eig tiltaket, men at fagfolk må fylla ut søknaden for deg. Prosjektering og utføring vert overlete også til fagfolk som du må engasjera og inngå avtalar med. Føretaka må erklæra ansvarsrett.

Det kan vera aktuelt å oppretta eit sameige eller reseksjonere/sletta eit eksisterande sameige.

Dersom du ønskjer å søkja om seksjonering/reseksjonering, må du ta kontakt med seksjon for oppmåling.

Definisjon

Med bustad reknast her ei sjølvstendig bueining som har alle funksjonar (soverom, stue, kjøken og bad), og eigen tilkomst.

Krev søknad

Dersom du skal byggja ein ny bustad på eiga tomt, må du få hjelp av fagfolk til å søkja om løyve. 

Dersom du skal byggjae ein ny leilegheit i huset ditt, må du søkja om løyve dersom: 

• bueininga har alle hovedfunksjonar for bustad, slik som stove, kjøken, soveplass, bad og toalett.
• har eigen inngang.
• er fysisk skild frå andre einingar. 

Di rolle i byggjesaken er å vera tiltakshavar. Det inneber at du eig tiltaket, men at fagfolk må fylla ut søknaden for deg. Prosjektering og utføring vrt også overlate til fagfolk som du må engasjera og inngå avtaler med. Føretaka må erklæra ansvarsrett.

Dersom du skal leiga ut delar av huset ditt, og det er ei dør mellom den delen av huset du bur i og utleiedelen, treng du ikkje søkja.

Støttemur

Forstøtningsmurar må ha byggjeløyvae etter plan- og bygningslova med mindre dei er av ein slik storleik at dei fell inn under tiltak som ikkje krev søknad og løyve.

I saker der du søkjer om bygging av støttemur mot nabo, kan kommunen krevja informasjon av materialbruk og estetiske forhold Kommunen kan også krevja at forstøtningsmurar vert utstyrt med rekkverk.

Må du søke?

Du treng ikkje søkja om å setja opp ein støttemur dersom han er:

• inntil 1,0 meter i høgde, og
• minst 1,0 meter frå nabogrensa

eller

• inntil 1,5 meter i høgde, og
• minst 4,0 meter frå nabogrensa

Krav

Støttemuren/forstøtningsmuren må ikkje hindra sikta i frisiktsoner mot veg, det vil seia i tilknyting til avkøyrslar frå veg, gardsplass og gang- og sykkelstiar.

Muren skal heller ikkje vera til skade eller ulempe for naboeigedomane og omgjevnadar ved at han til dømes bidreg til vannsig, ras eller utgliding.

I utforminga og plasseringa bør du ta estetiske omsyn slik at muren i tillegg til å vera funksjonell og sikker, og også vert ein tiltalande del av eigedomen.

Dersom støttemuren ikkje fyller desse krava, må du søkja kommunen om løyve.

Terrengendringar

Krev søknad

Hovedregelen for terrenginngrep er at dersom inngrepet er vesentlig, må dette søkjast om.

Skal du derimot gå i gang med mindre fylling eller planering av terreng, kan denne falla inn under tiltak som ikkje krev søknad og løyve. Kva som vert rekna som mindre, vil avhenga av karakteren til tiltaket og innverknad på omgjevnadane.

Krev ikkje søknad

Du treng ikkje søkja dersom unntaket gjeld fylling/planering der høgdeforskjellen i forhold til opprinneleg tiltak ikkje fører til

• Meir enn 3 meter avvik i spredtbygd strøk
• Meir enn 1,5 meter avvik i tettbygd strøk
• Meir enn 0,5 meter avvik på eigedom for rekkje- og kjedehus og liknande i tett busetnad

Merk at avstanden frå fyllingsfoten (altså der inngrepet startar) og til nabogrensa, må vera minst 1,0 meter på eigen grunn, og fyllingstoppane må ikkje vera høgare enn krava som er sette for forstøtningsmurar.

Definisjon

Skilt  vert definert som fysisk og/eller anna innretning for montering, plassering eller på anna måte synleggjering av fast eller utskiftbart bodskap. Skilt på innsida av vindauge eller bygg der bodskapen er retta mot utsida er også omfatta av skiltreglane. Dekorelement, som til dømes material- og/eller fargebruk, inngår som ein del av skiltinga. Det same gjer informasjon om opningstider, telefonnummer, internettadresse og liknande. 

Du treng ikkje senda inn byggjesøknad dersom:

• Du ønskjer å setja opp eit skilt. 

Du kan senda byggjesøknad på eiga hand dersom:

• Skilt- og reklameinnretninga er mindre enn 6,5 kvadratmeter montert på vegg, eller er inntil 3,5 meter høg og inntil 1,5 meter brei montert frittståande i terrenget.

Krev ikkje søknad

• setja opp, flytta eller riva ein ikkje-berande vegg innanfor ei og same branncelle
• skifta ut eller installera nytt utstyr på eksisterande våtrom
• montera ny kjøkenventilator som ikkje skal koplast til ventilasjonsanlegget
• montera ny vask i eksisterande bustad som allereie har sanitæropplegg

Dette gjeld kun for installering, endring og reparasjon av enkle installasjonar. Tiltaket må ikkje koma i kontakt med berande konstruksjonar og ikkje bryta branncella.

Krev søknad

• dersom du skal gjera andre små endringar innandørs enn nemnt i lista over. 

Krev søknad med hjelp frå fagfolk

• dersom du skal gjera endringar i berande konstruksjonar og/eller bryt brannceller.

Definisjon

Gjerde kan vera plankegjerde, stakittgjerde, flettverksgjerde, smijernsrekkverk eller andre typar rekkverk med ein enkel, open konstruksjon. Open konstruksjon er ein konstruksjon der både gåande og køyrande lett kan sjå gjennom konstruksjonen, uavhengig av synsvinkel.

Levegg er ein tett skjerm som avgrensar innsyn og støy, og gjer ly for vind. Levegg kan vera frittståande eller kopla saman med ein bygning.

Støyskjerm er ein tett skjerm som avgrensar innsyn og støy, og gjer ly for vind. Støyskjermen er ofte noko lengre enn ein levegg og har lyddempande materialer.

Du treng ikkje senda byggjesøknad dersom

• Gjerde er ope og luftig til nabogrensa, og maks 1,5 meter
• Levegg som er inntil 1,8 meter høg og inntil 10 meter lang. Må plasserast minst 1 meter frå nabogrensa og plasserast med tilstrekkelig avstand til offentlig regulert veg
• Levegg er inntil 1,8 meter høg og inntil 5 meter lang. Leveggen kan plasserast inntil eigedomsgrensa, og må plasserast med tilstrekkeleg avstand frå offentleg regulert veg

Dersom du skal setja opp eller riva ein støyskjerm, må du ha hjelp av fagfolk (ansvarleg føretak). 

Dersom du skal endra eller oppretta ein ny avkøyrsel utanom ein byggesak, må du søkja om løyve i ein eigen søknad som du sender til kommunen. Dersom du ønskier endra avkøyrsel frå riks- eller fylkesveg må du ha avkøyringsløyve frå Statens vegvesen. Denne må leggjast ved søknaden som vert sendt inn til kommunen.

Dersom du skal byggja eller riva ein bustad, kan du ikkje senda byggesøknad sjølv. Søknaden må utarbeidast av fagfolk (ansvarleg søkjar).

Di rolle i byggjesaka er å vera tiltakshavar. Det inneber at du eig tiltaket, men at fagfolk må fylla ut søknaden for deg. Prosjektering og utføring vert også overlate til fagfolk som du må engasjera og inngå avtalar med. Føretaka må erklæra ansvarsrett.

Du må alltid melda frå

Uavhengig av om du må senda byggjesøknad eller ikkje, må du alltid senda melding til kommunen dersom du installerer eller fjernar ein eldstad . Dette gjer du også for at Øygarden brann og redning skal få operert raskare og tryggare dersom ein brann oppstår.

Melding om nytt eller fjerning av eldstad. 

Du treng ikkje senda byggesøknad dersom

• Du skal installera, endra, riva eller reparera eldstad i eit nytt tilbygg inn til 50 kvadratmeter. 

Du må senda byggjesøknad med hjelp frå fagfolk dersom

• Du skal byggja, riva, endra eller rehabilitera ein skorstein i eksisterande bustad.

Det er Bergen Havn som gjer vedtak etter havne- og farvannsloven, på vegne av Øygarden kommune.

I tillegg til løyve frå Bergen Havn må det også søkast om løyve etter plan- og bygningslova.

Slik søkjer du om tiltak i sjø til Bergen Havn

Slik søkjer du etter plan- og bygningslova