Dette er sakstypar som går direkte til behandling hos oppmålingsavdelinga.

Unntak: grensejustering kan i nokre tilfelle krevja dispensasjon eller behandling etter jordlova før gjennomføring.

Rekvisisjon av oppmålingsforretning og matrikkelføring (PDF, 205 kB)

Punkt 1 – Fyll inn kva eigedom det gjeld. 

• Legg inn fleire gards- og bruksnummer dersom det gjeld fleire eigedomar.
• 4626 er kommunenummer til Øygarden. 

Punkt 2 – Kryss av for enten 2a, 2b eller 2c. 

• For klarlegging av eksisterande grense er det 2c som er riktig. 
• For grensejustering er det 2a som skal kryssast av

Punkt 3 – Kryss av for sakstype. 

Under følgjer døme på utfylling for grensejustering og klarlegging. Det er viktig å merka seg at rekvisisjon av grensejustering skal signerast av heimelshavarar på begge involverte eigedomar.

Grensejustering – Fyll ut punkt 2 og 3 slik:

Klarlegging av eksisterande grense - Fyll ut punkt 2 og 3 slik: 

Punkt 4 – Kryss av for vedlegg

• Du må legge ved nødvendige vedlegg, elles sender vi eit mangelbrev og kan ikkje gå vidare med saka. Mangelbrev kan medføre ekstragebyr. 
• Kart med tydeleg markering er naudsynt i alle høve. 
  • Marker i kartet kva punkt du ønsker klarlegging av
  • Dersom eigedomen ikkje er klarlagd tidlegare; teikn inn ca plassering av grenser
  • Teikn inn ønska grensejustering med areal
• Legg eventuelt med informasjon om kven som er naboane dine eller andre involverte partar dersom fette ikkje kjem tydeleg fram av kartet. 
• I dømet under er det kryssa av nødvendig informasjon for rekvisisjon av klarlegging av ein eigedom som ikkje tidlegare er innmålt med koordinatar og ligg med dårleg kvalitet på grenser. Legg ved skyldskifte. 

Punkt 5 – Kvar skal faktura sendast? 

Legg ved avtale dersom andre enn rekvirent skal betale

Punkt 6 – Opplysning om rekvirent og registrerte eigarar

• Involverte eigarar signerer her. 
• Ved grensejustering skal eigar av begge involverte eigedomar signere. 
• Gjeld rekvisisjonen ei matrikkeleining i sameige, skal rekvisisjonen krevjast av alle sameigarane. Sameiget kan vedta at styret eller anna organ eller person har fullmakt til å rekvirere på vegne av sameiget. 

Her sender du inn rekvisisjon saman med søknad om tiltak (frådeling eller arealoverføring), til avdeling for byggesak. Eventuelt kan du sende inn rekvisisjon til avdeling for oppmåling når løyve til tiltak ligg føre.

Punkt 1 – Fyll inn kva eigedom det gjeld. 

• Legg inn fleire gards- og bruksnummer dersom det gjeld fleire eigedomar.
• 4626 er kommunenummer til Øygarden. 
• Vedlegg J – viser at dette er vedlegg J til søknad om tiltak etter pbl § 20-1 bokstav m. 

Punkt 2 – Kryss av for heimelen til rekvisisjon

Oftast er det heimelshavar som rekvirerer, som vist i dømet under.

Punkt 3 – Kryss av for sakstype

• 3a for oppretting av ny matrikkeleining (t.d. frådeling) eller
• 3b for endring av eksisterande eigedom (t.d. arealoverføring)

Punkt 4 – Kryss av for tidspunkt

• Matrikulering utan utsetting er den mest brukte, og er som hovudregel fyrsteval
• Avtalt frist kan du bruke dersom du ønskjer å vente med oppmålingsforretning og matrikulering, det kan du gjera så lenge løyvet etter pbl gjeld. Du må rekvirere før fristen går ut. 
• Matrikulering utan fullført oppmålingsforretning (MUF) er relevant i enkelte sakar, og krev eigen søknad som vedlegg til rekvisisjonen. Løyve blir gitt etter visse vilkår. MUF er typisk aktuelt i felt som er under utbygging der ein ønskjer å gjennomføre frådeling, men å utsetje merking og måling til området er ferdig opparbeidd.