Kort om planen

Planen er eit privat initiativ, der Dig Plan AS på vegne av Landro Byggeservice AS har utarbeidd forslag til detaljregulering for Søra Sundet. Planområdet ligg på Knappskog, nord for Areknappen bustadfelt og aust for fylkesveg 531 ved Spjeldtunnellen.

Planen legg til rette for oppføring av totalt 11 nye naust, i tillegg til dei to som allereie er innanfor planområdet. Det er også sett av areal til ei felles kai som kan nyttast av alle i nærområdet. På kaien er det stilt krav om plassering av møblar for opphald og tilkomst til sjø i form av trapp/stige.

Du har rett til å klaga

Som part i saka eller ved rettsleg klageinteresse, kan du senda klage på vedtaket. Klagefrist er 06.03.2020. Klagen bør vera kortfatta, presis og grunngjeven. 

Dokument i saka

• Saksframlegg med vedtak, KS 59/19 (PDF, 3 MB)
• Plankart, vedteken 12.12.2019 (PDF, 688 kB)
• Føresegner, vedteken 12.12.2019 (PDF, 97 kB)
• Planskildring, vedteken 12.12.2019 (PDF, 5 MB)
• Illustrasjonsplan, datert 14.10.2019 (PDF, 965 kB)
• Merknader etter offentleg ettersyn (PDF, 3 MB)
• Kommentar til merknader i høyringsrunden (PDF, 116 kB)

Verknad av planen

Planen er bindande for alt arbeid eller tiltak som vert sett i verk innanfor planområdet.

Krav om erstatning eller innløysing etter plan- og bygningslova må vera sett fram seinast tre år etter denne kunngjeringa.

Reglane for innløysing er fastsett i plan- og bygningslova § 15-3. Dette inneber m.a. at grunn kan krevjast innløyst. Sjå til plan- og bygningslova for fullstendig oversikt over reglane. Det er òg mogleg å ta kontakt med  kommunen for utfyllande informasjon.

Tek du kontakt med kommunen ber vi om at du viser til saksnummer: 20/1470