Høyring VA

Plan- og miljøutvalet i Øygarden kommune har i møte den 05.06.2025, sak 044/25, gjort vedtak om at framlegg til kommunalteknisk norm, vedlegga B 1 Sjekkliste til VAO-rammeplan og Vedlegg B 8 Overvassnorm Øygarden kommune, vert lagt ut til høyring og offentleg ettersyn.

Kunngjeringsdato: 16.06.2025
Merknadsfrist: 24.08.2025
Saksnummer: 24/23671
Arealplan-ID: 20220003
Status: Høyring

Følgjande vedtak vart gjort: 

Plan- og miljøutvalet vedtek å leggja framlegg til Kommunalteknisk VA-norm, Overvassnorm og Sjekkliste for VAO-rammeplan ut på høyring og offentleg ettersyn i 6 veker frå kunngjering. 

  1. Standard abonnementsvilkår for vatn og avløp vert gjort tilgjengeleg i høyringsperioden, og gjort gjeldande for kommunen ved sluttbehandling av Kommunalteknisk VA-norm m/vedlegg.

På grunn av ferieavvikling vert høyringsfristen forlenga med fire veker. 

Kort om framlegga 

Normene som vert lagt fram på høyring og offentleg ettersyn skildrar tekniske krav og føresegn som gjeld ved planlegging og utføring av VA-anlegg og overvasshandtering i kommunen. I tillegg vert det lagt fram Sjekkliste for VAO-rammeplan og Standard abonnementsvilkår for vann og avløp(administrative og tekniske føresegn). 

VA-norma tek utgangspunkt i ein generell standard drifta av Norsk Vann, som kvar kommune kan supplere med lokale føresegn. Norma gjeld anlegg som utgjer det kommunale vatn-, avløp- og overvassnettet, der drift og vedlikehald skal overtakast av ØyVAR as og Øygarden kommune.

Føremålet med norma er å sikre at planlegging og utføring av anlegg varetek omsynet til funksjonskrav, drift og vedlikehald, levetid og fornying. 

Framlegg til overvassnorm er eit vedlegg til VA-norm, og tek opp i seg føringane frå kommunedelplan for vatn, avløp og overvatn (KDP VAO) med omsyn til lokal handtering, tre-trinnsstrategi og naturbaserte løysingar. Føremålet med overvassnorma er å sikre at planlegging- og utbyggingsarbeid varetek sentrale og lokale føringar og målsettingar for overvasshandtering. Framlegg til Sjekkliste for VAO-rammeplan er også eit vedlegg til VA- norm og skal vere eit verktøy for planlegging og utføring av VAO-anlegg. 

Som ledd i revisjon av VA-norm, vert også Standard abonnementsvilkår for vann og avløp lagt fram for behandling. Standarden gir administrative og tekniske føresegn, og er eit standard sanitærreglement for private vatn- og avløpsanlegg. Dei administrative og tekniske føresegna er publisert i to separate hefte, utgitt av Kommuneforlaget AS, og er soleis ikkje gjenstand for høyring og endring.

Dokument i saka

Tekniske føresegn til Standard abonnementsvilkår for vann og avløp er i utgangspunktet kunn tilgjengeleg ved bestilling frå Kommuneforlaget, men under høyringa vil det vere tilgjengelege eksemplar til gjennomsyn ved Innbyggartorga og biblioteka og ØyVAR. 

Merknadar

Har du merknadar til høyringa? Eventuelle merknadar og innspel kan sendast til kommunen: 

Frist for å koma med merknad er sett til: 24.08.2025.

Publisert 16.06.2025 05.00