Kven kan få tilbodet?
- Vaksne som har behov for støtte til å endra levevanar for betre helse og meistre helseutfordringar
- Vaksne som har auka risiko for, er i ferd med å utvikla, eller har utvikla sjukdom som følgje av levevanar.
- Vaksne med samansette og langvarige helseutfordringar, kronisk sjukdom eller nedsett funksjonsevne.
- Familiar som har barn i alderen 8-12 år med overvekt eller fedme
- Du som ønskjer å slutta å røyka eller snusa
- Pårørande kan delta på kurs saman med deltakar eller på eigenhand
- Tilboda er for deg som er busett i Øygarden kommune
Tilboda er gruppebasert og ein må kunne sjå nytte av å dela erfaringar og lera av andre. Kursa er dialogbaserte og går føre seg på norsk. Det er difor ein fordel om deltakarar forstår, og gjerne snakkar noko norsk. Bruk av tolk kan vurderast ved behov. For framandspråklege kan eigne gruppebaserte temasamlingar/kurs vere aktuelt. Kontakt oss ved spørsmål om dette: frisklivogmeistring@oygarden.kommune.no.
Tilboda erstattar ikkje individuell oppfølging frå autorisert helsepersonell andre plassar.
Kva kan du få hjelp til?
- Livsstilsendring
- Betre kosthald og matvanar
- Fysisk aktivitet
- Snus/røykeslutt
- Meistring av helseutfordringar / kroniske belastningar
- Leve godt med KOLS
- Kurstilbod dersom du har eit barn med overvekt/fedme
- Aktiv mot kreft
Dei tilsette hos Friskliv og meistring er utdanna innan helse, for eksempel fysioterapi, ernæring, sjukepleie, folkehelse, kognitiv terapi og fysisk aktivitet.
Her finn du oversikt over kurstilbod | Her finn du oversikt over treningstilbod
Deltaking på kurs og treningsgrupper
For påmelding eller spørsmål kan du ta kontakt med Friskliv og meistring på e-post Frisklivogmeistring@oygarden.kommune.no eller på telefon 55 09 68 50.
Ikkje oppgi sensitiv informasjon på e-post.
Fastlegen kan óg tilvisa til oss ved å fylla ut Frisklivsresept.
I forkant av kurs og/eller oppstart i treningsgruppe vil vi kontakta deg for ein samtale. Dersom du er usikker på kva for tilbod som vil passa deg, finn vi ut av det i lag. Viss vi ser at du har behov for eit anna tenestetilbod, gjev vi deg nødvendig informasjon.
Friskliv og meistring er ei kommunal helseteneste, og det vil bli ført journal i tråd med helsepersonellova om deltaking hos oss. Det blir gitt tilbakemelding til fastlege etter deltaking på kurs og treningstilbod hos Friskliv og meistring.
Vi følgjer skuleruta
Sosiale medium
Følg Friskliv og meistring på sosiale medium for inspirasjon og idéar for gode kvardagar:
Frisklivsresept
Her finn du meir informasjon om frisklivsresept
Prisar
Dei fleste av kursa har ein liten eigenandel. Informasjon om dette finn du under kvart enkelt tilbod.
Kursoversikt
Kurs- og aktivitetskalender
Anna informasjon
Friskliv og meistring er ei ressurs- og kompetanseteneste. Vi har stor fagleg kompetanse innafor ernæring og kosthald, trening og fysisk aktivitet, endrings- og motivasjonsprosessar og folkehelsearbeid.
Hospitering
Ønskjer du å hospitera på eit av våre kurs ta kontakt på telefon 55 09 68 50 eller send e-post til Frisklivogmeistring@oygarden.kommune.no
Fagleg innlegg og kompetansehevande tiltak
Vi kan tilby, eller støtta med faglege innlegg, kurs, temasamlingar eller kompetanseheving for helsepersonell, frivillige lag og organisasjonar og andre etter behov.
Tverrprofesjonell samarbeidslæring (TVEPS)
Friskliv og meistring tek imot studentar gjennom TVEPS to gonger i året.
Du finn meir informasjon på heimesida til UiB
Nyttig informasjon