Tur til Ormhilleren
AKTIV+ har planlagd ein fellestur til Ormhilleren. Dette er i anledning Friluftslivets år. Vi har leigd ein turbuss som tek ca. 50 passasjerer. Vi håper at det vert med fleire, og satsar på at ein del kan samkøyre. Det er grei parkeringsplass ved Ormhilleren. Grei grusa sti å gå på. Berre litt terreng til svaberget vi planlegg å vere på. Vi har fått Inge Glesnes med trekkspel til å vere med og syte for litt allsang. Og vi har tinga grove baguettar med ost og skinke å ta med. Men vi må ha påmelding for å vita kor mange baguettar vi skal tinga.
Påmelding
De kan melde dåke på liste i mottaket på Sotra Arena tysdag 26. august eller på Sotra Kino før eller etter foredraget. De kan og melde dåke på til alle i styret, eller på Facebook. Frist for påmelding er torsdag 28. august.
Anna informasjon
Alle må ta med seg eige drikke og gjerne eit sitjeunderlag.
Det vert ingen trening på Sotra Arena den dagen, men vi har oppmøte der kl. 10.30 for alle som vil vere med på tur.
Dersom det vert regn eller fuktig vær, er alternativet å gå til Larslibua og parkere ved Foldnes kyrkje. Der kan Inge Glesnes stå inne og spele (trekkspelet tåler ikkje fukt).