Om ordningane
Hovudmål med tilskotsordningane er å auke arbeids- og samfunnsdeltakinga blant innvandrarar og deira born. Målgruppa for ordningane er innvandrarar, norskfødde med innvandrarforeldre og andre i befolkninga elles.
Kven kan søkje?
Denne tilskotsordninga gjeld alle typar frivillige organisasjonar som ynskjer å setje fokus på integrering og har adresse i Øygarden kommune.
Organisasjonen må vera registrert i Frivilligheitsregisteret, og ha hovudandelen av sine medlemmar i Øygarden kommune.
Rapportering
Organisasjonar som får tilskot, skal sende inn årsrapport og rekneskap etter tiltaket er gjennomført. Tilskotet skal som hovudregel brukast og rekneskapsførast i 2024. Ein rekneskapsrapport som skal vera utarbeida etter rekneskapslovens bestemmingar. Organisasjonar som mottar støtte på 100 000 kroner eller meir, skal sende inn prosjektrekneskap. Dette skal vera revidert av statsautorisert eller registrert revisor.
Søknadsfrist
Søknadsfrist for tilskot til integreringsarbeid er 15. april.
Ordningar:
Enkelttiltak og/eller prosjekt til integreringsarbeid
Frivillige organisasjonar kan få støtte til aktivitetar og tiltak som fremjar integrering mellom majoritets- og minoritetsbefolkninga i kommunen, og som bidrar til å auke arbeids- og samfunnsdeltakinga blant innvandrar og deira born.
Prosjekt/tiltaksstøtte kan ikkje brukast til generell drift av organisasjon.
Ein kan søkje støtte til eitt eller fleire prosjekt i følgande ordningar:
Ordninga har tre delmål:
Del A
Prosjekt som stimulerer til fellesskap, tillit og tilhøyrsle i lokalsamfunn for innvandrarar og befolkninga elles, og motvirke utanforskap, derunder arbeid mot rasisme og diskriminering og for mangfald i lokalsamfunnet.
Det blir gitt støtte til prosjekt og tiltak som bidreg til auka frivillig aktivitet i lokalsamfunn, og til felles møteplassar mellom majoritetsbefolkninga og innvandrargrupper.
Vidare støttast aktivitetar, arrangement og møteplassar som bidreg til å til å motvirke fordommar, hat, rasisme og diskriminering. Tiltak skal vera direkte retta mot målgruppa og stimulere til samarbeid og dialog på tvers av grupper og tru- og livssyn, og skape fellesskap som gjer grobotn for respekt, kunnskap og forståing.
DEL B
Prosjekt som aukar innvandrarars moglegheiter for deltaking i arbeid eller utdanning, gjer auka kunnskap om det norske samfunnet, betre norskferdigheiter, og styrkar kvalifisering for arbeid eller utdanning blant innvandrarar.
Dette kan vera gjennom norsktrening, arbeidsretta tiltak, og kunnskap om det norske samfunnet. Det kan bl.a. gis støtte til informasjonstiltak om lovar og reglar (rettigheiter og plikter i arbeidslivet, anskaffing av bustad m.m.), offentlege tenester (helse, barnevern, barnehage m.m.) og lokalt frivillig organisasjonsliv. Det kan også gis støtte til tiltak som styrkar den enkelte sine grunnleggjande ferdigheiter, derunder munnlege ferdigheiter, å kunne skrive, å kunne lese, å kunne rekne og digitale ferdigheiter.
Det gis også støtte til tiltak med formål å rekruttere og inkludere innvandrarar i frivillige aktivitetar, som medlemmer, tilsette og tillitsvalte i lokale organisasjonar.
DEL C
Prosjekt som førebyggjer negativ sosial kontroll, æresrelatert vald, tvangsekteskap og kjønnslemlesting, og styrkar likestilling mellom kjønna.
Kor myke kan ein søke om?
Ein kan søke om full eller delvis støtte til et tiltak. Minimumssum per enkelttiltak er kr 10 000.
Foreininga kan søke støtte til fleire prosjekt. Eitt prosjekt per søknad. For tildelingar over kr 100 000 til ein foreining, krevjast det revisorrapport.
Søknadsskjema
Søknad om enkelttiltak/prosjekt til integreringsarbeid
Driftstilskot
Kommunen kan også gje støtte til drift av lokale innvandrarorganisasjonar.
Tildelinga av støtte baserer seg på kor mange betalande medlemmer organisasjonen hadde i 2021 som er busett i Øygarden komme. Det vil sei medlemmar som har betalt medlemskontingent via bank til organisasjonen sin konto. Organisasjonane må leggje frem medlemsliste ved søknad. Kontoutskrift frå bank på betalande medlemmer vert krevd.
Det må vera minimum 20 medlemar.
Satsar for tildeling av driftstilskot:
- Under 30 medlemmer: inntil 31 000 kroner.
- Mellom 30 og 60 medlemmer: inntil 40 000 kroner.
- Mellom 60 og 80 medlemmer: inntil kr 63 000 kroner.
Basert på medlemstall frå 2023.
Søknadsskjema
Søknad om driftstilskot for invandrarorganisasjonar til integreringsarbeid
Kontakt
Ta kontakt på frivillig@oygarden.kommune.no hvis du har spørsmål om ordninga.