Kort om planen

Formålet med planen for Svanevågen er å legge til rette for bustader, barnehage, fritidsbustader, småbåthamn, småbåtanlegg, overnatting/hotell og fritids- og turistformål. Søre del av planen med formål barnehage og bustader, vart vedteken 13.06.2018 som del 1 av reguleringsplanen.

Nytt vedtak av planen gjeld delområde 2. Delområde 2 inkluderer delområde 1, men og eksisterande naustområde til Svanevågen og eit utvida tal fritidsbustader og bustader. Det vert og lagt opp til ei høgare utnytting innanfor naustområdet med fleire naust, fellesnaust, småbåthamn og leilegheiter for kortidsutleige. Det er inkludert krav om ferdig regulert tilkomstveg før det kan gjerast tiltak etter planen.

Resterande del av planen (del 3) er det framleis retta motsegn mot. Dette gjeld i hovudsak konflikt med strandsonevernet.

Du har rett til å klaga

Som part i saka eller ved rettsleg klageinteresse, kan du senda klage på vedtaket. Klagefrist er 09.03.2020. Klagen bør vera kortfatta, presis og grunngjeven. 

Dokument i saka

• Saksframlegg med vedtak, KS 090/19 (PDF, 834 kB)
• Plankart, datert 20.11.19 (PDF, 4 MB)
• Føresegner, datert 11.12.19 (PDF, 518 kB)
• Planskildring, datert 29.11.19 (PDF, 8 MB)
• Illustrasjonsplanar (PDF, 3 MB)
• Merknadshandtering (PDF, 8 MB)
• Merknader kommentert (PDF, 398 kB)
• ROS-analyse (PDF, 2 MB)

Verknad av planen

Planen er bindande for alt arbeid eller tiltak som vert sett i verk innanfor planområdet.

Krav om erstatning eller innløysing etter plan- og bygningslova må vera sett fram seinast tre år etter denne kunngjeringa.

Reglane for innløysing er fastsett i plan- og bygningslova § 15-3. Dette inneber m.a. at grunn kan krevjast innløyst. Sjå til plan- og bygningslova for fullstendig oversikt over reglane. Det er òg mogleg å ta kontakt med  kommunen for utfyllande informasjon.

Tek du kontakt med kommunen ber vi om at du viser til saksnummer: 20/319.