Kontakt kommunen for rettleiing
Ta kontakt på e-post postmottak@oygarden.kommune.no eller ring 56 16 00 00 og spør etter Landbruk. Du kan og bestilla førehandskonferanse.
Tiltak i utvalde naturtypar (naturbeitemark, hagemark, kystlynghei med fleire) er alltid søknadspliktige, uansett størrelse. Det same gjeld nydyrkingstiltak, tiltak som rører ved myr/vassdrag, eller kulturverdiar som steingardar, steinhus og liknande, eller tiltak som fører med seg ulemper for naboar t.d. frå transport, støv, støy m.v. Mindre utfylling som ikkje kjem borti denne type interesser, kan vere unnateke søknadsplikt. Det er likevel kommunen som avgjer om eit tiltak er søknadspliktig eller ikkje. Sørg difor for å få avklara med kommunen FØR du set i gang, kor vidt tiltaket er søknadspliktig, slik at du unngår å gjere noko ulovleg.
Om det vert fylt massar ulovleg på område kor du er grunneigar eller entreprenør, kan det føre til at du får krav om retting/tilbakeføring, ilegging av tvangsmulkt og/eller at tilhøvet vert anmeldt for miljøkriminalitet.
Er du transportør som vil tippe reine massar av jord og stein i Øygarden kommune?
Sjekk om staden du du er invitert til å tippe jord og stein, har gyldig løyve til dette. Be om kopi av løyve og ta vare på dette. NB! Sjekk at løyvet ikkje er utgått. Kontakt kommunen om du har spørsmål.
Transportørar som leverer massar til område kor det ikkje er gjeve løyve til tiltaket, vil være ansvarlege om dei tippar massar der. Om du tippar massar ulovleg, kan det føre til at du får krav om retting/tilbakeføring, ilegging av tvangsmulkt og/eller at tilhøvet vert anmeldt.
Kva slags masser er det snakk om?
Overskotsmassar frå anleggsverksemd (jord, stein m.v. ) vert rekna som næringsavfall. Skal du ta imot overskotsmassar av jord og stein frå anleggsverksemd må du ha løye frå Statsforvaltaren. Det er krav om at området er regulert til dette føremålet eller at det vert gjeve dispensasjon. Ved regulering må det vere ein plankonsulent som sender inn bestilling av oppstartsmøte.
Reine massar er kunn naturleg jord, sand og stein utan innblanda anna materiale. Masser som inneheld betong, tegl, trevirke, asfalt, hestemøkk, hageavfall, framande artar m.v. er ikkje reine massar.
Ureine massar skal leverast til eigne mottak som har løyve til å ta imot dette. Dumping av ureine massar er ulovleg og kan føre til krav om retting/tilbakeføring, tvangsmulkt og politianmelding.
Hestemøkk vert ikkje rekna som reine massar. Hestemøkk er heller ikkje å rekne som jordforbetringsmiddel/gjødsel. Hestemøkk frå ridesenter/rideklubb er næringsavfall.
Hestemøkk kan kunn leverast til mottak som har løyve til å ta imot dette.
Det er ikkje lov å
- mellomlagre tørr hestegjødsel på bakken lengre enn 3 år.
- bruke hestegjødsel på utmark.
- gje vekk hestegjødsel til privatpersoner for bruk i hager uten at produktet er omdannet i et godkjent anlegg og produktet er registrert hos Mattilsynet.
- omsette eller gi vekk hestegjødsel til jordproduksjon, re-vegetering, bruk i parker eller andre grøntarealer uten at det er omdannet i et godkjent anlegg og produktet er registrert hos Mattilsynet.
På nettsida til Mattilsynet finn du meir informasjon om hestemøkk.