Vedtak i Plan- og miljøutvalet
Plan- og miljøutvalet i Øygarden kommune har den 02.10.25, i sak 081/25, gjort vedtak om at forslag til Detaljregulering for Vestra Marka GBNR 24/201, m.fl. – Landro, PlanID: 20230006, vert lagt ut til offentleg ettersyn og høyring i samsvar med plan- og bygningsloven § 12-10. Vedtak følgjer under:

Plan- og miljøutvalet vedtek: 
I medhald av plan- og bygningslova § 12-10, godkjenner Plan- og miljøutvalet at forslag til 
Detaljregulering for Vestra Marka, gbnr 24/201 m.fl. – Landro, planID: 20230006, med plankart 
datert 10.07.2025, føresegner datert 07.08.2025 og planskildring datert 07.08.2025, blir lagt ut til 
offentleg ettersyn, etter at planen er omarbeidd i samsvar med kommunedirektøren sine tilrådingar.

Kort om planen

Planområdet er på om lag 79 daa og ligg på vestsida av fylkesveg FV 5244 Landrovegen, like nord for Landro barneskule. Området ber preg av å vere eit spreidd bustadområde med nokre eksisterande bustader og fritidsbustader, og noko landbruksareal. Avstand til Ågotnes sentrum, med mellom anna ungdomsskule- og idrettsområde og kollektiv like ved, er om lag 2,4 km. I sentrum av Ågotnes finn ein ulike kvardagsfunksjonar som t.d. daglegvarehandel, lege og treningssenter. I tillegg ligg næringsområdet på Ågotnes med mange arbeidsplassar tett på sentrum.

Formålet med detaljreguleringa er hovudsakleg å leggje til rette for 74 bueiningar i form av einebustader med sekundærleilegheit, tomannsbustader, rekkehus, kjedehus og fire- til seksmannsbustader. I tillegg blir det regulert tilhøyrande infrastruktur, leike- og uteopphaldsareal og grøntareal.

I kommuneplanen sin arealdel (KPA) er området i hovudsak avsett til bustadføremål, men delar av område ligg innanfor område regulert til LNF-område.

Figur 1: Utsnitt av arealdelen til kommunen i området.

Dokument i saka

Plandokument er tilgjengeleg i det offentlege planregisteret til kommunen. 

Plankart

Figur 2: Utsnitt av plankart.

Saksgang

Grunneigarar, naboar og andre interesserte blir i denne fasen invitert til å kome med merknader og innspel til planforslaget. Kommunen og forslagsstillar vil vurdere alle merknader som kjem inn i høyringsperioden. Etter gjennomgang av merknadane, og eventuell omarbeiding av planforslaget, blir saka teke opp til politisk behandling for endeleg vedtak. Heile planprosessen kan følgjast via postlista til Øygarden kommune. Søk etter saksnr. 23/10394.

Har du merknadar til planarbeidet?

Eventuelle merknadar og innspel kan sendast til kommunen:

• Elektronisk høyringsinnspel 
• E-post til Postmottak@oygarden.kommune.no
• Brevpost til Øygarden kommune, Ternholmvegen 2, 5337 Rong

Frist for å kome med merknader er sett til: 13.02.26

Generelle opplysningar

Merknadar som kjem inn er kommunen sitt grunnlag for å vurdere eventuelle endringar i planforslaget, og vert vurdert og referert for politisk myndigheit. Vi svarar difor ikkje på merknadar enkeltvis. Minner og om at merknadar er å rekne som offentlege dokument, og kjem på postlistene til kommunen. Vi ber om at de ved all kontakt med oss gjev opp saka sitt saksnr. 23/10394.