Vedtak i Plan- og miljøutvalet

Plan- og miljøutvalet i Øygarden kommune har i møte den 28.04.2025, i sak 032/25, gjort vedtak om at forslag til Detaljregulering for Søre Fjell tippen gbnr. 56/9 m.fl. - Søre Fjell, PlanID: 124620190004, vert lagt ut til offentleg ettersyn og høyring i samsvar med plan- og bygningsloven § 12-10. Vedtak følgjer under:

I medhald av plan- og bygningsloven § 12-11, vedtek plan- og miljøutvalet å leggje på høyring og offentleg ettersyn detaljregulering for Søre Fjell tippen gbnr. 56/9 m.fl. – Søre Fjell, PlanID 124620190004, med plankart datert 20.03.2025, føresegner datert 07.03.2025 og planskildring datert 24.03.2025.

Kort om planen

Planområdet ligg på Søre Fjell . Føremålet med planarbeidet  er å leggje til rette for masselagringsområde for mottak av overskotsmassar, med intensjon om å kunne ta i mot massar frå Sotrasambandet.

I kommuneplanen sin arealdel er området avsett til landbruk, natur og friluftsformål i med omsynssone for grønstruktur.

Austleg del a planområdet overlappar og erstattar delvis detaljreguleringsplan for ny fylkesveg 560 Kolltveit - Sund grense planID 124620150015.

Les meir om planen i saksframlegget og planskildringa.

Dokument i saka

Plandokument er tilgjengeleg i det offentlege planregisteret til kommunen.

Plankart og illustrasjon

Utsnitt av plankart

Illustrasjon av området etter ferdigstilling til fulldyrka mark

Saksgang

Grunneigarar, naboar og andre interesserte vert i denne fasen invitert til å koma med merknadar og innspel til planforslaget. Kommunen og forslagsstillar vil vurdere alle merknadar som kjem inn i høyringsperioden. Etter gjennomgang av merknadane, og eventuell omarbeiding av planforslaget, vert saka teke opp til politisk behandling for endeleg vedtak. Heile planprosessen kan følgjast via postlista til Øygarden kommune. Søk etter saksnr. 20/7743. Søk etter sak

Har du merknadar til planarbeidet?

Eventuelle merknadar og innspel kan sendast til kommunen:

• elektronisk høyringsinnspel
• e-post til postmottak@oygarden.kommune.no
• brevpost til Øygarden kommune, v/Areal og samfunnsplan, Ternholmvegen 2 , 5337 Rong

Frist for å koma med merknad er sett til: 24.06.2025.

Generelle opplysningar

Merknadar som kjem inn er kommunen sitt grunnlag for å vurdere eventuelle endringar i planforslaget, og vert vurdert og referert for politisk myndigheit. Vi svarar difor ikkje på merknadar enkeltvis. Minner og om at merknadar er å rekna som offentlege dokument, og kjem på postlistene til kommunen. Vi ber om at de ved all kontakt med oss gjev opp saka sitt saksnr. 20/7743.