Vedtak i Plan- og miljøutvalet

Plan- og miljøutvalet i Øygarden kommune har i møte den 28.04.2025, i sak 033/25, gjort vedtak om at forslag til Detaljregulering for RAN seglbåthamn GBNR 37/8 - Anglevika, PlanID: 20210007, vert lagt ut til offentleg ettersyn og høyring i samsvar med plan- og bygningsloven § 12-10. Vedtak følgjer under:

I medhald av plan- og bygningslova § 12-10, godkjenner Plan- og miljøutvalet at Detaljregulering for RAN seglbåthamn, gbnr 37/8 m.fl. – Vågo, planID: 20210007, vert lagt ut til offentleg ettersyn, etter at plandokumenta er oppdatert i samsvar med kommunedirektøren si tilråding, som kjem fram av saksframstillinga. Plankart og føresegner vert datert 28.04.2025.

Kort om planen

Planområdet ligg ved Anglevika, om lag 5 km nord for Straume sentrum. Arealet som vert regulert er på om lag 55 dekar, og dekker både sjø- og landareal.

Formålet med planarbeidet er å sikra seglforeininga sitt eksisterande anlegg betre mot vêr og vind ved å etablera molo på steinfylling i sjø. I tilknyting til moloen vert det planlagt eit nytt arrangementsområde. Tilkomst til moloen og den nye arrangementsplassen vert via ei ny bru.

I kommuneplanen sin arealdel er området avsett til arealformåla Idrettsformål på land og til Småbåthamn og bruk og vern av sjø og vassdrag i sjø.

Det er to eldre reguleringsplanar i området, 53 RP Anglavika, RAN Seglbåthamn gnr 37 og Småbåthamn, RAN båtlag, gbnr 37/8 og 226. Desse vert i si heilheit erstatta av den nye detaljreguleringa. Delar av gjeldande reguleringsplan Detaljreguleringsplan for avløpsreinseanlegg Storanipa, gnr. 38, bnr. 4 m. fl. – Vågo ligg også innanfor plangrensa, og vert derfor delvis erstatta av den nye detaljreguleringa. I tillegg vert Utbyggingsplan for bustader på gbnr 37/2 – Anglavika delvis erstatta av den nye planen.

Les meir om planen i saksframlegget og planskildringa.

Dokument i saka

Plandokumenta er tilgjengeleg i det offentlege planregisteret til kommunen arealplaner.no.

Plankart og illustrasjon

Plankart av planforslag som ligg ute til offentlegg ettersyn.

Illustrasjon som viser korleis RAN seilforening ser for seg det nye anlegget.

Saksgang

Grunneigarar, naboar og andre interesserte vert i denne fasen invitert til å koma med merknadar og innspel til planforslaget. Kommunen og forslagsstillar vil vurdera alle merknadar som kjem inn i høyringsperioden. Etter gjennomgang av merknadane, og eventuell omarbeiding av planforslaget, vert saka teke opp til politisk behandling for endeleg vedtak.

Heile planprosessen kan følgjast via postlista til Øygarden kommune. Søk etter saksnr. 20/2003. Søk etter saker (onacos.no)

Har du merknadar til planarbeidet?

Eventuelle merknadar kan sendast til kommunen:

• elektronisk høyringsinnspel
• e-post til postmottak@oygarden.kommune.no
• brevpost til Øygarden kommune, v/Areal og samfunnsplan, Ternholmvegen 2 , 5337 Rong

Frist for å koma med merknad er sett til: 18.07.2025.

Generelle opplysningar

Merknadar som kjem inn er kommunen sitt grunnlag for å vurdera eventuelle endringar i planforslaget, og vert vurdert og referert for politisk myndigheit. Vi svarar difor ikkje på merknadar enkeltvis. Minner óg om at merknadar er å rekna som offentlege dokument, og kjem på postlistene til kommunen.

Vi ber om at de ved all kontakt med oss gjev opp saka sitt saksnr. 20/2003.