UKM er ein møteplass for ungdom som driv med ulike kulturuttrykk, og denne gongen var det innslag i kategoriane kunst, musikk og teater. I tillegg var det ei arrangørgruppe beståande av ungdommar som deltok både i planlegging og gjennomføring av arrangementet.

Det vart laga ei flott kunstutstilling med om lag 40 verk av 12 ulike kunstnarar. Under opninga av utstillinga var det fleire av dei unge kunstnarane som valde å ta ordet og fortelje om sine bilete.

Då sceneprogrammet starta kl. 15.00 var det full sal på Ungflimmer. To flinke konferansierar frå arrangørgruppa leia publikum gjennom eit variert program med både klassisk musikk, hiphop, teater og rock.

Elevar frå Øygarden kulturskule var godt representert både på scenen og i kunstutstillinga.

I etterkant av arrangementet vil nokre av deltakarane få tilbod om å representere Øygarden kommune på fylkesfestivalen til UKM 19.-21. april.

Sjå bileta frå arrangementet: