TV-aksjonen: Nøgd med resultatet

Måndag kl. 09.00 var det registrert 1 475 621 kroner frå Øygarden til TV-aksjonen.
- Eg er godt nøgd med resultatet frå Øygarden. I kontanter kom det inn 206 793 kroner. Dette er 500 kroner meir enn i fjor seier rådgjevar for frivilligheit i Øygarden kommune, Julia Valeska Woehlert.

Elevane på Tjeldstø skule samla inn pengar på bøsser.

Det vert stadig registrert pengar til TV-aksjonen som går til arbeidet Redd Barna rettar mot barn som er ramma av krig og konflikt.

På Bjorøyna vart det arrangert loppemarknad og grendalagskafé som resulterte i 15 tusen kroner til TV-aksjonen. Det som ikkje vart selt, vart levert vidare til to frivillige organisasjonar.

- Det er gjennomført fleire ekstra tiltak for TV-aksjonen. Næringslivet samla inn 184 100 kroner den 6. oktober. Vi har fått melding om at det er gjennomført spleisaksjon på Spildepollen, Foldnes og Tjeldstø skular. Dette har resultert i 95 tusen kroner, seier Julia Valeska Woehlert som takkar alle som har bidrege i aksjonen.

Spleisaksjonane er gjerne gjennomførte i samband med skuleløp. Tjeldstø skule var mellom dei skulane som arrangerte skuleløp.