Pila viser staden der det vert rigga til med arbeidsbrakker og lagerplass.

Statnett opplyser at det vert rigga til med arbeidsbrakker og lagerplass for arbeidarane med nytt muffehus og grøftetrasé nordover. Rasteplassen vert brukt til formålet i om lag to år. 

Den 15 kilometer lange kraftkabelen skal leggjast langs fylkesveg 561 mellom Solsvika og Nordre Blomøyna. Fyllingen Maskin AS har fått tildelt kontrakten med anleggsarbeidet.   

Arbeidet startar i sør med grave- og sprengingsarbeid til nytt muffehus ved Solsvika og arbeid med kabelgrøfta på strekninga mellom Svelgen bru og Solviksundet bru. Samstundes vert det etablert brakkerigg og lagerplass på Rong. Arbeidet vert trappa gradvis opp utover i mars og april. Då vert det arbeidd fleire stader langs grøftetraseen. Det vert også oppstart av arbeidet med muffehus på Blomøyna.


Tekst: Vigleik Brekke
Kart/skisse: Statnett