Vegbanen like ved opninga av Damsgårdstunnelen på vestsida skal gravast opp og å leggja ned røyr og leidningar. Statens vegvesen

Det skal leggjast ned røyr og leidningar som kryssar vegbanen, og difor må ein grava over vegen på vestsida av Damsgårdstunnelen.

- For å koma oss vidare i arbeidet, vert vi diverre nøydd til å stengja det eine løpet komande helg, seier byggjeleiar Lennart Strøm i Statens vegvesen i ei pressemelding.  

Tunnelen stengjer fredag 30. august klokka 19.00 og opnar igjen måndag 2. september klokka 05.30. Statens vegvesen oppmodar folk til å avgrensa køyring denne helga. Det er omkøyringsveg via Knappetunnelen. Då kan ein ta mot Straumeveien (Krambua) og vidare ned Fjøsangerveien (E39) for å koma til sentrum og vidare nordover.

Dei som vel å køyra inn mot tunnelen og alternative omkøyringsvegar, vil hamna i lange køar.

Oppgraderinga av tunnelen skal vera fullført innen hausten 2025.