Anved Aarbakke (til venstre) og Øyvind Langedal.

Saman med administrerande direktør Øyvind Langedal fekk Aarbakke overrekt prisen (kunstverk av Marianne Skjelbred) frå Margunn Bjørnestad i Nordea og styremedlem i Vest Næringsråd, Marianne Furheim. Det er Vest Næringsråd og Nordea som står bak prisen. Årsfesten markerte avslutninga på Øygardskonferansen.

I grunngjevinga for prisen  vert det vist til at det heile starta med vedlikehald av kaiar i 1973. 13 år seinare vart bedrifta etablert på Ågotnes. Firmaet vedlikeheld mange bruer. Til og med fregatten Helge Ingstad vart malt av Solidenergy.

Juryen skriv at firmaet er trendsettar innan produkt- og teknologiutvikling og brukar til dømes robotar til vedlikehald på innsida av kraftrøyr. Solidenergy planlegg også kompetansesenter for industrimalarar på Ågotnes. 

- Årets bedrift er ein av dei største i Norden på vedlikehald av oljeinstallasjonar, kraftanlegg og bruer, skriv juryen i grunngjevinga for prisen.

Administrerande direktør Øyvind Langedal opplyser at det i dag er 550 tilsette. Dei aller fleste er utstasjonert på ulike oppdrag. Om lag 30 personar er stasjonert på hovudbasen på Ågotnes.

- Eg kjenner på stor takksemd for at firmaet fekk prisen. Eg opplever at vi får igjen for å jobba langsiktig i alle ledd, seier Langedal.


Tekst og foto: Vigleik Brekke