Ungdommens Badmintonmesterskap i Sotra Arena.

Ordføraren sa i velkomsttalen at badminton er ein idrett som krev presisjon, smidigheit og styrke. 

-    Det er ein sport som utfordrar både fysisk og mentalt, og gjev oss alle høve til å visa fram ferdigheitene våre og lidenskap for spelet. Eg trur vi alle har ein liten badmintonspelar i magen. For det vel ein sport vi alle har prøvd, men sjølvsagt ikkje på det nivået vi vil sjå her denne helga

Han viste til at i tillegg til å spela mange kampar, er vi også her for å støtta og oppmuntra kvarandre, uansett nivå, og for å skapa minne og venskap som vil vara livet ut.

-    Eg vil oppmoda dykk alle til å gi dykkar beste på banen, å visa respekt for motstandarane og dommarane. Det viktigaste er å ha det gøy og nyta augneblinka saman, sa ordføraren.

UBM er ein uoffisiell noregsmeisterskap for aldersbestemte klassar med godt og vel 220 deltakarar frå heile landet. Det skal spelast over 500 kamper frå fredag til og med sundag.

Sotra Badminton Club vart stifta i 1997 og er ein svært aktiv klubb, som hevdar seg svært godt både lokalt og nasjonalt. Klubben har arrangert ei rekkje turneringar og meisterskap opp gjennom åra.

Av dei 226 deltakarane mellom 13 og 17 år, kjem 29 frå Sotra Badminton Club. 34 klubbar deltek frå Kristiansand til Kirkenes. Det skal spelast 679 kampar på 18 banar. 


Tekst: Vigleik Brekke
Foto: Anders Ekanger