Vedtak i utval for plan (UFP)

Plan- og miljøutvalet i Øygarden kommune har i møte den 05.03.2026, i sak 017/26, gjort vedtak om at forslag til områderegulering for Straume sentrum nord, gbnr. 35/170 m-fl., PlanID: 20240006, vert lagt ut til offentleg ettersyn og høyring i samsvar med plan- og bygningsloven § 12-10. Vedtak følgjer nedanfor:

1. Innanfor omsynssona H910 skal Områdereguleringsplan for RV 555 Sotrasambandet parsell Kolltveit - grense Fjell/ Bergen kommune med planid 124620130001 framleis gjelda uendra, jf. føresegna § 5.4.
    
2. I medhald av plan- og bygningslova § 12-10, godkjenner Plan- og miljøutvalet at Områderegulering for Straume sentrum nord, gbnr 35/362 m.fl. – Straume, planID: 20240006, med plankart og tilhøyrande føresegner vert lagt ut til offentleg ettersyn, med følgjande endring: Plangrensa i aust skal bli redusert, slik at grønstruktur o_G1 vert tatt ut av planframlegget. Plandokumenta skal bli endra i samsvar med dette før offentleg ettersyn.
    
3. Plan- og miljøutvalet legg til grunn at dei områda som er sett av til bustadformål, skal utviklast med eit variert utval av bustadtypar og storleikar. Målet er at folk i ulike livsfaser og hushald kan finne eigna bustader i regionsenteret. Det er viktig at områdeplanen støttar opp om dette. Planen skal bidra til eit meir tilgjengelig bustadmarknad, gode oppvekstvilkår og eit inkluderande bumiljø.

Kort om planen

Planområdet ligg sentralt på Straume, og er ein viktig plan for å styrka og vidareutvikla Straume sentrum. Føremålet med planarbeidet er å leggja til rette for vidare sentrumsutvikling på Straume, med ein kombinasjon av bustader, sentrumsføremål, bygg for offentleg og privat tenesteyting, park- og friområde. I tillegg vidarefører planforslaget i all hovudsak gatestruktur og kollektivhaldeplass planlagt i områdeplanen for Sotrasambandet.

Planområdet er i dag regulert gjennom fleire overordna planar og reguleringsplanar med ulik alder og detaljeringsgrad. I kommuneplanen sin arealdel er området i hovudsak avsett til sentrumsføremål, offentleg og privat tenesteyting, næringsverksemd, friområde og trafikkareal. I tillegg omfattar områderegulering for rv. 555 Sotrasambandet (2016) store delar av området.

Områderegulering for Straume sentrum nord vil erstatta deler av følgjande gjeldande reguleringsplanar:

Les meir om planen i saksframlegget og planskildringa.

Dokument i saka

Plandokument er tilgjengeleg i det offentlege planregisteret til kommunen.

Plankart og illustrasjon

Områdereguleringa opnar for ny sentrumsutvikling med funksjonar som mellom anna bustad, forretning, kontor, tenesteyting, vidaregåande skule og ny kollektivterminal.

Illustrasjonsplanen viser mogleg utvikling innanfor planområdet.

Saksgang

Grunneigarar, naboar og andre interesserte vert i denne fasen invitert til å koma med merknader og innspel til planforslaget. Kommunen og forslagsstillar vil vurdera alle merknadar som kjem inn i høyringsperioden. Etter gjennomgang av merknadane, og eventuell omarbeiding av planforslaget, vert saka teke opp til politisk behandling for endeleg vedtak. Heile planprosessen kan følgjast via postlistene til Øygarden kommune. Søk etter saksnr. 24/20209. 

Har du merknadar til planarbeidet?

Eventuelle merknadar og innspel kan formidlast kommunen som:

• elektronisk høyringsinnspel
• e-post til postmottak@oygarden.kommune.no
• brevpost til Øygarden kommune, v/Areal og samfunnsplan, Ternholmvegen 2, 5337 Rong

Frist for å koma med merknad er sett til: 26.05.2026.

Generelle opplysningar

Merknadar som kjem inn er kommunen sitt grunnlag for å vurdera eventuelle endringar i planforslaget, og blir vurdert og referert for politisk myndigheit. Vi svarar difor ikkje på merknadar enkeltvis. Minner også om at merknader er å rekna som offentlege dokument, og kjem på postlistene til kommunen. Vi ber om at de ved all kontakt med oss gjev opp saka sitt saksnr. 24/20209.