Vedtak i Plan- og miljøutvalet

Plan- og miljøutvalet i Øygarden kommune har i møte den 28.04.2025, i sak 034/25, gjort vedtak om at forslag til Detaljregulering av miljøgate Ågotnes vest, gbnr. 27/527 m. fl. – Ågotnes, PlanID: 20220013, vert lagt ut til offentleg ettersyn og høyring i samsvar med plan- og bygningsloven § 12-10. Vedtak følgjer nedanfor:

«I medhald av plan- og bygningsloven § 12-10 godkjenner plan- og miljøutvalet at forslag til 
detaljregulering av miljøgate Ågotnes vest, gbnr. 27/527 m. fl. – Ågotnes, plan id 20220013 med plankart datert 13.02.25, føresegner datert 07.04.25 og planskildring datert 20.02.25, vert lagt ut til offentleg ettersyn».

Kort om planen

Planområdet ligg på Ågotnes, er om lag 30 daa og er lokalisert innanfor senterstrukturen som er satt i samfunnsdelen til kommuneplanen. Miljøgata regulerer ein parsell av dagens fylkesveg 5244.

Oppstart av planarbeidet har bakgrunn i kvalitetsprogram for Ågotnes, som var ferdigstilt i 2020. Programmet hadde som intensjon å vera eit styringsverktøy for planar og tiltak for vidareutvikling av Ågotnes. Miljøgate gjennom sentrum er eitt av fleire framtidige tiltak som er skildra i kvalitetsprogrammet. Ei miljøgate har fokus på mjuke trafikantar og føremålet med planen er primært å legga betre til rette for denne trafikantgruppa langs aksen. Tilhøva for køyrande vil også verta utbetra som følgje av plangrepa.

Dagens vegline er hovudsakleg regulert i reguleringsplan for fv. 211 – Ågotnes skule, Polleidet, plan id 124620070003. Denne planen vert erstatta i sin heilskap og vil verta oppheva som del av kommunen sitt arbeid med planvask. Planen vil òg erstatta fleire reguleringsplanar i anleggsfasen. Føresegnene legg føring om at desse planane skal gjelda etter at anleggsfase og restaureringsfase er ferdig.

Les meir om planen i saksframlegget og planskildringa.

Dokument i saka

Plandokument er tilgjengeleg i det offentlege planregisteret til kommunen.

Plankart og illustrasjon

Saksgang

Grunneigarar, naboar og andre interesserte vert i denne fasen invitert til å koma med merknadar og innspel til planforslaget. Kommunen og forslagsstillar vil vurdera alle merknader som kjem inn i høyringsperioden. Etter gjennomgang av merknadane, og eventuell omarbeiding av planforslaget, vert saka teke opp til politisk behandling for endeleg vedtak. Heile planprosessen kan følgjast via postlista til Øygarden kommune. Søk etter saksnr. 22/17333. Søk etter saker

Har du merknader til planarbeidet?

Eventuelle merknader og innspel kan sendast til kommunen:

• elektronisk høyringsinnspel
• e-post til postmottak@oygarden.kommune.no
• brevpost til Øygarden kommune, v/Areal og samfunnsplan, Ternholmvegen 2, 5337 Rong

Frist for å koma med merknad er sett til: 27.06.2025.

Generelle opplysningar

Merknader som kjem inn er kommunen sitt grunnlag for å vurdera eventuelle endringar i planforslaget, og vert vurdert og referert for politisk myndigheit. Vi svarar difor ikkje på merknader enkeltvis. Minner óg om at merknader er å rekna som offentlege dokument, og kjem på postlistene til kommunen. Vi ber om at de ved all kontakt med oss gjev opp saka sitt saksnr. 22/17333.