Johnny Breivik, Sjur Krog, Natasha Breivik og Geir Knarvik Fjeldstad tok på fredag ein gjennomgang av innhaldet i ein eigenberedskapskasse.

Tema for eigenberedskapsveka i 2026 er bortfall av elektronisk kommunikasjon. 

Det vert stand der kommunen og Øygarden brann og redning informerer om eigenberedskap. Du kan mellom anna vera med i trekning av attraktive gevinstar. Deltar du i ein enkel konkurranse, kan du vinna ein eigenberedskapskasse til ein verdi av fire tusen kroner. Det vert også trekning om fire naudradioar. 

Møt opp på stand her:

• Skogsskiftet: måndag 26. oktober kl. 14.00 – 16.00  (Sund Senter)
• Straume: tysdag 27. oktober kl. 15.00 – 17.00 (Thon Senter Sartor)
• Ågotnes: onsdag 28. oktober kl. 15.00 – 17.00 (Ågotnes Senter)
• Rong: torsdag 29. oktober kl. 15.00 – 17.00 (Rong Senter)

I eigenberedskapsveka (veke 44: 26. – 1. november) vil elevane få med seg ein klistrelapp i ranselen. Der vert det informert om informasjonspunkt ved bortfall av mobil- og datanett. På klistrelappen er det ein QR-kode som kan nyttast før ein krisesituasjon utan elektronisk kommunikasjon. QR-koden fører deg til ei nettside som gjev informasjon om beredskap i  heimen.

Ikkje alt på plass

På fredag viste to representantar frå Raudekrossen fram ei eigenberedskapskasse til beredskapssjefen og kommunedirektøren.

Kommunedirektør Johnny Breivik oppmodar folk til å rusta seg for krisesituasjonar.

- Vi erfarer diverre at det er mange som ikkje har god nok eigeberedskap. Heller ikkje eg har alt på plass ennå. Eg manglar mellom anna naudradio, seier han.

Beredskapssjef Geir Knarvik Fjeldstad har løyst dette på sin måte.

- Eg har tinga ein eigenberedskapskasse frå Raudekrossen. Dersom krisen vert stor, kan vi ikkje vera trygg på at samfunnet maktar å levera til vårt daglege behov, seier han.

Raudekrossen har heile tida beredskapskurs for medlemene sine. Eigenberedskap er ein del av dette.

Sjur Krog i Sund Røde Kors seier at også han skal kjøpa ein eigeberedskapskasse. 

Natasha Breivik i Fjell Røde Kors har ordna seg på annan måte.

- Eg har laga til ein kasse med eigenberedskap. No manglar eg berre vatn for at alt skal vera på plass, seier ho.

Les om beredskap i heimen på nettsida til Øygarden kommune her.

Her er informasjon frå Direktoratet for samfunnssikkerheit og beredskap (DSB).


Tekst og foto: Vigleik Brekke