Jarle Kvalvik vert ny eigedomssjef
Jarle Kvalvik (54) har takka ja til stillinga som eigedomssjef i Øygarden kommune.
Jarle Kvalvik
Han kjem frå stillinga som driftsdirektør i Statsbygg. Han har også vore kommunalsjef i Bjørnafjorden og Askøy kommunar og utbyggingsdirektør i Bergen kommune.
Kommunalsjef for Kultur og samfunn, Silje Haukedal, er glad for at eigedomssjefen er på plass allereie den 14. august.
- Han er ein dyktig fagperson og leiar som vi gler oss over å få med på laget i Øygarden kommune, seier Haukedal.
Jarle Kvalvik er busett på Straume og er godt kjent med Øygarden.
- Det vert svært spennande å få jobba i ein kommune som Øygarden som har spennande prosjekt som nytt sotrasamband og utvikling av straumeområdet. Eg ser fram til å arbeida med heile verdikjeda i eigedomsutviklinga, seier Kvalvik.
Eigedomssjefen skal ha det overordna ansvaret for eigedomsutvikling og gjennomføring, i tillegg til at einingane eigedomsforvaltning, drift og vedlikehald og reinhald ligg til ansvarsområdet til eigedomssjefen.
Tekst: Vigleik Brekke
Foto: Statsbygg
Publisert 12.07.2023 12.42