Vegtraseen kjem ut frå den nye Knarrvikatunnelen og over Arefjordpollen, før han går i dagen frem til Straumetunnelen.

Indre Arefjordpollen vert stengt for båttrafikk i anleggsperioden fram til den nye vegen onar i 2027.

Sotra Link opplyser at det i første omgang skal installerast siltgardinar for å unngå å forureina  vassmiljøet i området. Det vert fylt stein i sjøen for den komande vegtraseen frå 15. august. Steinmassane som skal brukast til utfylling vil vera overskotsmassar frå andre stader i vegprosjektet. 

Den nye vegen over Arefjordpollen vert opna saman med resten av Sotrasambandet sommaren 2027. Den nye vegen vil få passasje for båtar, slik som eksisterande riksveg har i dag.
 

Tekst: Vigleik Brekke
Foto: Sotra Link