- Eg er trygg på at vi i Marius får ein samlande, god og utviklingsorientert leiar for eit viktig fagområde, seier kommunedirektør Johnny Breivik.

Kommunalsjefsområdet for Oppvekst består av barnehagar, skular, vaksenopplæringa, PPT, barne- og familietenesta og barnevernet, totalt om lag 1 200 tilsette.

- Eg er glad og stolt over å få jobben som kommunalsjef. Eg ser fram til å vera med på å vidareutvikla kommunen og oppvekstområdet saman med alle våre dyktige tilsette. Her er det viktig med samhandling både innan Oppvekst-feltet og med dei andre kommunalsjefområda. Som konstituert kommunalsjef har eg fått kunnskap om kommunalsjefområdet. Det har gitt meg motivasjon til å gå inn i denne oppgåva, seier Marius Flesland Sylta.

Kommunedirektør Johnny Breivik seier at det meldte seg fleire solide kandidatar til stillinga og at det har vore ein grundig prosess for å landa tilsetjinga. Det er mellom anna nytta rekrutteringsbyrå til å gjennomføra både personlegdomstestar og referansesjekkar.

- Marius har på kort tid opparbeidd seg solid fagkompetanse innan feltet. Han har stor tillit i organisasjonen og viser evne til å sjå det store biletet, framhevar kommunedirektøren.