Det viser seg at det skal fjernast store jordmassar i samband med Sotrasambandet. Frå landsbrukshald har det vore interesse for å få tilgang på desse massane.

Våge Danielsen sa at kommunen har jamlege møte med Sotra Link om korleis ein skal handtera masseoverskotet.

- Vi har eit felles mål om samfunnsnyttig bruk av massane. Så langt har Sotra Link opplyst at det på kort sikt er behov for å fjerna 60 til 100 tusen kubikk, medan det på lengre sikt er behov for å flytta mellom eín og ein og ein halv million kubikk massar, sa einingsleiaren.

Det er eit komplisert regelverk som regulerer dette, og ein må arbeida med fleire løysingar på same tid.

- Det er også ønskeleg å nytta ein del av masseoverskotet til landsbrukstiltak, men alt kan ikkje løysast innanfor landbruket. Vi vil i første omgang sjå på aktuelle stader for mellombels lagring av massane, sa Reidun Våge Danielsen.

Andre orienteringar og klagesaker

På møtet utvalet var det også orientering om status i offentlege arealplanar, status for byggekvotar i LNF-spreidd (LNF-landbruk, natur og friluftsområde) og regelendring for konsesjon til selskap med avgrensa ansvar.

Utvalet behandla sju klagesaker


Tekst og foto: Vigleik Brekke