Langs fylkesvegen har det vore fleire mellombelse trafikkregulerte innsnevringar.

Grunnen til stansen i arbeidet er at Statnett har motteke ein uttale frå Norges vassdrags- og energidirektorat om at nødvendig justering av vassleidningar ikkje er omfatta av konsesjonen som gjeve for prosjektet. 

Dette fører igjen til at Statnett må innhenta byggeløyve frå Øygarden kommune etter plan- og bygningslova før arbeida langs fylkesvegen kan starta opp igjen.

Stansen i arbeidet vil påverka etterfølgjande kabelinstallasjon, og ferdigstilling av anlegget vert utsett til hausten 2026. 

- Vi seier oss leie for at denne situasjonen har oppstått. Vi vil prøva å redusera ulempene så mykje som mogleg.  Entreprenøren Fyllingen Maskin AS går nå i gang med å rydda og sikra anleggsplassane langs fylkesvegen og mellombels tilbakeføra områda så langt det er praktisk mogleg, seier Leif Espen M Kiær, prosjektleiar i Statnett.

Les meir på nettsida til Statnett her. 

Tekst: Vigleik Brekke
Foto: Beate Hetlevik