Kort om planen og endringa

Planområdet ligg om lag 1 km sør for kommunedelsenteret Skogsskiftet. Området er i dag ikkje bygd ut, men det er gjort arbeid med utbetring av tilkomstveg og kryss ut frå planområdet til fylkesveg 560.

Gjennom endringa er felta som var flateregulerert(BKS2-BKS5) i gjeldande plan blitt detaljert, og vegar har blitt justert. Felta er detaljert innanfor dei rammene som gjaldt for flatereguleringa, slik at talet på bustadar vert ikkje endra. Totalt vert det regulert for utbygging av 106 bustader. Resterande 14 bustader vert ikkje regulert, då felt BK1 i gjeldande plan ikkje er ei del av endringa. Det er frå kommunen si side vurdert at det ikkje er behov for barnehage i området, slik at areal regulert til dette føremålet er endra til blågrøn struktur. Tilsvarande tek ein ut vegforbinding mot nord, då det er uklart om det vil bli utbygging i nord.

Det er også gitt ny planID (20240005) til endringa som synleggjer at planen er oppdatert, og plannamnet vert endra til «Detaljreguleringsplan for gnr. 145, bnr. 1 og 12 – Hammersland nord", slik at det vert nytta riktig gnr.

Dokument i saka

• Dokument i saka er tilgjengeleg i kommunen sitt planregister
• Plankart (PDF, 616 kB)

Klage

Eventuelle klagar kan bli sendt inn via:

• nettsida til kommunen
• e-post til: postmottak@oygarden.kommune.no
• Brevpost til Øygarden kommune, Ternholmvegen 2, 5337 Rong

Vi ber om at De ved all kontakt med oss gjev opp saka sitt referansenr. 22/2359.

Klagefrist er 30.05.2025