Kvifor valde du denne destinasjonen og korleis kom de i kontakt med kvarandre?

Det var denne destinasjonen som vart tildelt.

Reise og opphald

Eg tok fly til Landvëtter og taxi til hotellet.  Vi budde på Thon Dockyard. 

Mål for reisa

Målet for reisa var å sjå på inkludering av barn med spesielle behov. Gjerne bruk av Karlstadmodellen og korleis barn med lite/ingen språk blir inkludert i undervisninga.

Korleis opplevde du opphaldet

Opplevde opphaldet som kjekt, lærerikt om enn ikkje så nyttig i forhald til måla eg hadde satt meg.

Vi blei tatt godt imot av lærarane på Dalaskolan. Vi var på “ettan” som er norsk 2. klasse. Det var 27 elevar i kvar klasse (2 klassar), med ein pedagog og ein klasseassistent. Dei hadde stort område og fem store rom på deling på to klassar.

Vi var til stades to dagar og var med i klasseromma som ein ekstra ressurs medan vi observerte. Klasseromma og undervisninga var ikkje så ulik den eg er vane med, men dei hadde fleire rom tilgjengeleg. I tillegg var det ingen elevar som hadde ITO-timar på trinnet. Nokre elevar fekk likevel tilpassingar for uro eller konsentrasjonsvanskar. Dette var første del mot ein eventuell oppmelding. Først prøvde dei ut tilpassingar og såg om det kunne hjelpe. Dette vart skrive ned i den digitale mappa til eleven som både lærar og førsette hadde tilgang til. Dette blei gjennomgått på utviklingssamtalane.

Elevane fekk varm mat på skulen og i matsalen var det to trinn samla til måltida. Dei første ti minutta var det heilt stille i kantina medan dei åt. Etter det var det lov å                        
snakke saman. Nokre elevar forstod godt kva vi sa, medan andre syns norsk var vanskeleg å forstå. Barna var opne og imøtekommande.

Eg vil absolutt anbefale andre å reise.

Kvifor valde du denne destinasjonen og korleis kom de i kontakt med kvarandre?

Vi vart satt i kontakt med Dalaskolan i Gøteborg gjennom samarbeid i kommunen, då barnehagane som er i Erasmus+ prosjekt hadde avtalt besøk i Gøteborg. 

Reise og opphald

Vi tok fly frå Flesland flyplass (Bergen) til Landvetter flyplass (Gøteborg). Derifrå tok vi 4 taxi sidan vi landa seint, og ikkje visste korleis vi skulle kome oss til hotellet. Kostnaden vart delt på oss 4.

Vi budde på Thon Hotel Dockyard, i gåavstand til skulen vi besøkte. 

Mål for reisa

1. Lære om organisering av inkludering av alle elever.
2. Inkludering av elever med spesielle behov. 
3. Hvordan inkludere barn med store språkvansker.

Eg forventa å sjå organisering og logistikk, og at noko var både likt og ulikt slik vi gjer det i Noreg. 

Korleis opplevde du opphaldet

Det var eit veldig nyttig og lærerikt opphald, både det å kunne snakke skule med kollegaer og med dei vi var på jobbskygging hos. Vi vart teke godt imot av dei vi jobbskygga, både vaksne og elevar. Fekk observere, snakke saman med tilsette og elevar, ta del i undervisning, fekk omvising, tok bilete, og deltok i deira daglege rutine over 2 skuledagar.  

Oppsummering:
Eg vil absolutt anbefale andre å delta i ei slik jobbskygging. Det som er viktig er å ha eit læringsmål som utgangspunkt, men at dette kan endre seg i løpet av tida du er der sidan du snakkar og observerer menneske i sitt daglege arbeid.