Førebels skisse over korleis det nye teminalområdet ved Storavatnet vil sjå ut

Arbeidet ved Storavatnet vert no trappa opp. Området skal byggjast om, og fram mot trafikkopninga vil vert trafikkløysinga endra fleire gonger.

– Nå vert arbeida i dette området intensivert. Vi er opne om at det vert krevjande å koma seg fram i periodar. Difor er det viktig at trafikantar og reisande følgjer med på skilting og informasjon, og bereknar litt ekstra tid, seier Lene Sælen Rivenes på nettsida til Sotra Link.

Ho seier at færre bilar på vegen er det viktigaste tiltaket for å unngå kø.

- Vi oppmodar difor alle som kan, til å reisa kollektivt, samkøyra, reisa utanom rushtida eller ha heimekontor dersom det er mogleg, seier prosjektsjefen i Statens vegvesen.

Oppfordringa er dermed: 

• Følg skiltinga.
• Set deg inn i køyremønster før du reiser.
• Legg til grunn at reisa vil ta litt ekstra tid.
• Reis kollektivt, køyr saman, reis utanom rushtida eller ha heimekontor dersom det er mogleg.
   

Red.: Vigleik Brekke
Skisse: Sotra LInk