Søk om spelemidlar til idretts- og nærmiljøanlegg
Dette er ei nasjonal tilskotsordning.
Førehandskonferanse:
Skal du søkja spelemidlar må du bestilla førehandskonferanse innan 15. august (gratis).
Søknadsfrist:
Søknad må sendast til Øygarden kommune via anleggsregisteret innan 15. oktober.
Krav til spelemiddelsøknadar
- Øygarden kommune ønskjer å fanga opp potensielle spelemiddelsøknadar så tidleg som mogleg, slik at ein får ei god behandling av desse.
- Vidaresending av søknader for kommunen til Vestland fylkeskommune er innan 15. januar.
- Alle som skal søkja må gå inn via anleggsregisteret for å leggja inn data, og lasta opp relevante vedlegg som kostnadsoverslag.
- Anlegget må vera fullfinansiert før innlegging i databasen.
Andre krav til søknaden
- Anlegget må vera rullert inn i kommunedelplan for idrett og fysisk aktivitet.
- Handsaminga av spelemiddelsøknadane omfattar ei rullering av planen for idrett og fysisk aktivitet, med mindre endringar i tiltaksplanen når dette er nødvendig.
Desse vedlegga skal følgja spelemiddelsøknaden
- Førehandsgodkjende planar med behovsoppgåve for anlegget.
- Detaljert kostnadsoverslag m/dokumentasjon.
- Dugnadsarbeid skal gå fram i eit eige oversyn, utført av kvalifisert fagperson, med utgangspunkt i det som etter kostnadsoverslaget skal utførast på dugnad.
- Finansieringsplan, med utgreiing og dokumentasjon for dei einskilde postane.
- Plan for bruk, med budsjetterte utgifter og inntekter.
- Kopi av stadfesta grunnbokutskrift (heimel) for grunnen der anlegget skal byggjast. Ved avtale om feste/leige krev det kopi av tinglyst feste-/leigeavtale på minst 20 år.
- Godkjent byggesøknad.
Bestilling førehandskonferanse
Sist endra 25.02.2021 13.32