Bålforbodet er eit generelt forbod mot å tenna bål, eingongsgrillar, bålpannar og annan open ild, i skog og utmark. Du kan altså, med nokon atterhald, tenna bål i utmark fom. 16. september tom 14. april.
Det er ein allemannsrett å tenna bål, sjølv om bålbrenning ikkje er regulert i friluftslova. Allemannsretten gjer rett til å ferdast og opphalda seg i utmarka i Noreg – når ferdselen «skjer omsynsfullt og med tilbørleg varsemd»
Her kan du tenna bål i perioden 16. september t.o.m. 14. april
I innmark:
Du kan tenna bål i same periode som for utmark – dersom du har fått løyve frå grunneigar eller brukar
I utmark:
- du kan tenna bål i perioden 16. september–14. april
- du kan tenna bål i perioden 15. april–15. september der det openbart ikkje kan føra til brann
Her kan du grilla når det er bålforbod
Sjølv om det er bålforbod, er det framleis mogleg å grilla. Du kan grilla så lenge du ikkje utset andre for røykforureining og det ikkje er fare for brann. Før du fyrer opp grillen, bør du sjekka om det er reglar, for eksempel frå grunneigar, burettslag og sameiger, skilt i parkar eller liknande, som seier noko om kva som er lov å gjera.
Eksempel på kva dette kan vera:
- Private hagar, burettslag og sameiger
- Strandområde som ikkje er i nærleiken av skog eller annan vegetasjon
Når det er høg skogbrannfare
I periodar med høg skogbrannfare, tilrår vi at du ikkje tenner kaffebål eller grillar i skog og utmark. Sjekk skogbrannindeksen på yr.no før du skal på tur.
Primus og kokeapparat
Bruk av primus og kokeapparat kan nyttast i dei tilfelle der det openbert ikkje er fare for at det kan oppstå brann. Ein er sjølv ansvarleg for å vurdera om det er forsvarleg å bruka primus og kokeapparat.
Kaffebål i skog, utmark og kystlinje
Du kan laga kaffebål i perioden 16. september til 14. april der det er opplagt at det ikkje kan starta ein brann. Utover dette er det eit generelt forbod mot kaffebål i skog og mark.
Eingangsgrill
Du kan bruka eingangsgrill i perioden 15. april til 15. september.
Dette må du passe på:
- Du må plassera grillen på eit brannsikkert underlag. Grillen skal aldri stå rett på bakken.
- Sikra god avstand til anna brennbart materiale.
- Hald oppsyn med grillen til ei kvar tid.
- Sløkk grillen med rikelig med vatn.
Kast grillen i egna grillcontainer, og ikkje i ein avfallsbehaldar. Grillen kan innehalda glør og varme i opptil 24 timar etter bruk, sjølv om du har prøvd å sløkka han med vatn.
Brenning av hageavfall, bråtebrenning og ureint trevirke
Informasjon om brenning av avfall.