Kort om planen

Sotrasambandet omfattar utbygging av eit nytt hovudvegssystem mellom Bergen og Øygarden. Ein har no starta opp med planlegging og detaljprosjektering, som ein del av prosjektet må det gjerast ein gjennomgang og oppdatering av gjeldande reguleringsplan. 

Planendringa er en endring av av gjedlande områderegulering for Sotrasambandet, planID 124620130001. Føremålet med endringa er sikre at tiltak vert gjennomført i tråd med arealføremål og gjeldande handbøker. Endringa omfatter kulvert (K805) vest for Kolltveittunellen. Gjennom endringa oppfyller kulverten krav og retningsliner i SVV sine handbøker, og bidreg samstundes til betre handtering av overvatn og grunnvassnivå. Linjeføringa for regulert gang- og sykkelveg på nordsida av kulvert vert endra slik at den vert kopla til etablert gangveg på golfbanen.

Vedtak, søknad, plankart, føresegn og alt av grunnlagsdokumentasjon er tilgjengeleg i kommunen sitt planregister. Du kan og sjå planen i kommunen si kartløysing.

Meir informasjon er tilgjengeleg på nettsida til Statens vegvesen prosjektside for Sotrasambandet og på heimesida til Sotra Link.

Utsnitt frå plankart og 3D-modell (Kjelde: Sotra Link)

Du har rett til å klaga

Vedtak gjort av kommunen etter plan- og bygningslova kan påklagast til Statsforvaltaren av part, eller andre med rettsleg klageinteresse, jf. plan- og bygningsloven § 1-9 og forvaltningslova kap VI.

Sjølv om klagerett ligg føre kan som regel vedtaket verte gjennomført straks. Det er likevel mogleg å be om at iverksetjing av vedtaket vert utsett inntil klagefristen er ute eller klaga er endeleg avgjort , jf. forvaltningslova § 42. Kommunen si avgjerd om å gje eller avslå ein slik førespurnad om utsett iverksetjing er ikkje eit enkeltvedtak som kan påklagast. 

Klaga skal stilast til klageorganet (Statsforvaltaren), men sendast til
Øygarden kommune,
Ternholmvegen 2,
5337 Rong

eller på e-post postmottak@oygarden.kommune.no

Klage på vedteken plan

Dersom klagebrevet vert postlagt innan klagefristen, er dette tilstrekkeleg for at klaga er framsett i tide. Klagefrist er 05.01.2023.

Dokument i saka

Alle plandokument og grunnlagsdokument er tilgjengeleg i kommunen sitt planregister

Planen er bindande for alt arbeid eller tiltak som vert sett i verk innanfor planområdet. 

Krav om erstatning eller innløysing etter plan- og bygningslova må vera sett fram seinast tre år etter denne kunngjeringa.

Reglane for innløysing er fastsett i plan- og bygningslova § 15-3. Dette inneber m.a. at grunn kan krevjast innløyst. Sjå til plan- og bygningslova for fullstendig oversikt over reglane. Det er òg mogleg å ta kontakt med kommunen for utfyllande informasjon.

Tek du kontakt med kommunen ber vi om at du viser til saksnummer: 22/18534.