Lovverket gir kommunen avgjerdsrett og oppgåver på fleire område i tillegg til informasjons- og rettleiingsoppgåver.

Rutinar ved trafikkulukker som involverer vilt

• Varsla politiet 02800
• Ring Ettersøksringen på vakttelefon 948 54 645
• Merk ALLTID skadestaden så godt som mogleg, eller vent til politiet/viltkontakt kjem

Opplys politiet/viltkontakt så godt det let seg gjera om:

• Tidspunkt for påkjørsel/observasjon
• Kva for art det er snakk om, og alder og kjønn på dyret
• Kor dyret gjekk
• Om dyret hadde synlege skadar

Skada hjort

For hjort som vert påkjørt eller skada på annan måte skal det gjennomførast ettersøk. Meld frå til politiet på 02800 og deretter til Ettersøksringen som har døgnope vakttelefon 948 54 645.

Skade på anna vilt

Skade på andre ville dyr og fugl, for eksempel påkøyrd fugl som ikkje er flygedyktig, skal meldast til Ettersøksringen på vakttelefon 948 54 645.

Skada husdyr

Skada husdyr som hund, katt eller sau er det pliktig å hjelpa (etter Dyreveldferdslova § 4) ved å melda frå til eigar og ta dyret med til veterinær eller kontakta politiet på 02800. For kattar, hundar og andre dyr som blir påkjørt i trafikken, har sjåføren, i følgje vegtrafikklova, eit spesielt ansvar for å sjekka omfanget av skadene og yta den hjelpa som er nødvendig.

Hjort som gjer skade i hage, åkre og eng

• Det vert ikkje gjeve løyve til å fella hjort som beiter i hagar. Huseigar må sikra eigedomen med gjerde på minst 1,8 m for å halda dyra ute.
• Landbrukseigedomar i aktiv drift kan søkja kommunen om skadefelling dersom skaden på produksjonsareal er vesentleg og får økonomiske følgjer for brukar.
• Normalt skal verdien av kjøtet frå skadefelling overførast til kommunalt viltfond.