Vedtak i Plan- og miljøutvalet 

Plan- og miljøutvalet i Øygarden kommune har i møte den 05.06.2026, i sak 21/4267, gjort vedtak om at forslag til Detaljregulering for Storevarden B4/B5, GBNR 238/625 m.fl. - Rong, PlanID: 125920160006, vert lagt ut til offentleg ettersyn og høyring i samsvar med plan- og bygningsloven § 12-10. Vedtaket følgjer under:

I medhald av plan- og bygningslova § 12-10, godkjenner Plan- og miljøutvalet at forslag til Detaljregulering for Storevarden B4 og 5, gbnr 238/625 m.fl. – Rong, PlanID: 12592018, med plankart, føresegner og planskildring, vert lagt ut til offentleg ettersyn etter at plandokumenta er oppdatert i samsvar med kommunedirektøren sine tilrådingar om justering som kjem fram av saka. 

Kort om planen

Planområdet er på om lag 44 dekar, og ligg på Skjoldingsneset søraust på Rongøy, om lag 1,5 km sør for Rong sentrum. Planområdet ligg innanfor sentrumsutstrekninga for kommunedelsenteret Rong.

Gjeldande reguleringsplan for området er Storevarden (II) Skjoldingsneset frå 2004, med plankrav før utbygging. I KPA (Øygarden) og i KDP Rongøy er området sett av til arealformåla Bygg og anlegg (KPA) og Bustader (KDP), med detaljeringssone om at gjeldande reguleringsplan skal gjelde. Framlagt planforslag er i all hovudsak i samsvar med KPA, KDP og gjeldande reguleringsplan, og vil delvis erstatte den gjeldande reguleringsplanen.

Planforslaget legg til rette for bustadbygging av inntil 86 nye bueiningar som frittliggande og konsentrert småhus, der 13 av dei nye bueiningane er i form av utleigedel/sekunderleilegheiter i einebustader. Heilt sør i planområdet ligg tre eksisterande einebustader. I tillegg vert det regulert tilhøyrande infrastruktur og leikeplassar, og planframlegget stiller rekkefølgjekrav som sikrar opparbeiding av desse tiltaka. 

Plankart og illustrasjon

Figur 1) Utsnitt av plankart

Dokument i saka

Plandokument er tilgjengeleg i det offentlege planregisteret til kommunen.

Har du merknadar til planarbeidet?

Eventuelle merknadar og innspel kan formidlast kommunen som:

• elektronisk høyringsinnspel
• e-post til postmottak@oygarden.kommune.no
• brevpost til Øygarden kommune, v/Areal og samfunnsplan, Ternholmvegen 2 , 5337 Rong

Frist for å koma med merknad er sett til: 06.05.2026.

Generelle opplysningar

Merknadar som kjem inn er kommunen sitt grunnlag for å vurdere eventuelle endringar i planforslaget, og blir vurdert og referert for politisk myndigheit. Vi svarar difor ikkje på merknadar enkeltvis. Minner også om at merknader er å rekna som offentlege dokument, og kjem på postlistene til kommunen. Vi ber om at de ved all kontakt med oss gjev opp saka sitt saksnr. 21/4267.