I medhald av forvaltningslova § 37 har Formannskapet i Øygarden kommune vedteke å leggje forslag til forskrift om tilskot til private barnehagar i Øygarden kommune ut til offentleg høyring og ettersyn.
Private barnehagar, organisasjonar og andre interesserte vert inviterte til å kome med innspel til forslaget innan 2. oktober 2026.
Kunngjeringsdato: 26.08.2026
Høyringsfrist: 02.10.2026
Saksnummer: 26/11774
Status: Høyring
Planlagt ikraftsetjing: 01.01.2027
Kort om saka
Kunnskapsdepartementet har fastsett ny forskrift om tildeling av tilskot til private barnehagar. Som følgje av det nye regelverket har Øygarden kommune utarbeidd forslag til lokal forskrift om tilskot til private barnehagar.
Forskrifta skal erstatte gjeldande lokale retningslinjer som byggjer på tidlegare regelverk.
Forslaget vert lagt ut på høyring i samsvar med forvaltningslova § 37.
Politisk behandling
Kunnskapsdepartementet har fastsett ny forskrift om tildeling av tilskot til private barnehagar. Som følgje av det nye regelverket har Øygarden kommune utarbeidd forslag til lokal forskrift om tilskot til private barnehagar.
Forskrifta skal erstatte gjeldande lokale retningslinjer som byggjer på tidlegare regelverk.
Formannskapet behandla saka 25. august 2026, sak 064/26, og vedtok å leggje forslag til forskrift ut på høyring.
Formannskapet vedtok samtidig endringar i kommunedirektøren sitt forslag. Endringane gjeld:
- administrasjonsutgifter – korleis sentrale administrasjonsutgifter som støttar dei kommunale barnehagane, skal inngå i berekningsgrunnlaget
- endringar i barnetalet – forslag om å oppretthalde tilskot ut kalenderåret ved reduksjon i barnetalet etter 1. august som skuldast forhold barnehagen ikkje sjølv rår over, når barnehagen kan dokumentere ledig kapasitet
- rapportering – forslag om at rapportering i størst mogleg grad skal samordnast med eksisterande nasjonale rapporteringssystem, og at lokale rapporteringskrav ikkje skal gi unødig administrativ belastning
Endringane inngår i forslaget som no vert sendt på høyring. Fullstendig ordlyd går fram av høyringsnotatet og forskriftsforslaget.
Kva ønskjer kommunen innspel på?
Kommunen ønskjer innspel til forskriftsforslaget som heilskap, og særleg til:
- endringane som vart vedtekne av Formannskapet
- om forskrifta er tydeleg og lett å forstå
- om dei foreslåtte rapporteringstidspunkta er føremålstenlege
- om reglane om vesentlege aktivitetsendringar er tilstrekkeleg klare
- om det er andre forhold som bør regulerast innanfor rammene av nasjonalt regelverk
Dokument i saka
Følgjande dokument er tilgjengelege:
Har du merknadar?
Merknadar og innspel kan formidlast til kommunen som:
Merk innspelet: «26/11774 – Høyring – Forskrift om tilskot til private barnehagar i Øygarden kommune»
Høyringsinnspel er som hovudregel offentlege dokument og kan bli publiserte på kommunen si offentlege postliste. Vi ber derfor om at innspel ikkje inneheld sensitive personopplysningar eller andre opplysningar som ikkje er nødvendige for saka.
Kva skjer vidare?
Etter at høyringsfristen er ute, vil kommunen gjennomgå og vurdere alle innspel som har kome inn. Saka blir deretter lagd fram for ny politisk behandling med ei oppsummering av høyringsinnspela og kommunen si vurdering av desse.
Eventuelle endringar i forskriftsforslaget som følgje av høyringa vil bli synleggjorde i saka til endeleg behandling.
Forskrifta er planlagt å tre i kraft 1. januar 2027.