Kort om planen

Planområdet ligg ved Anglavika. Føremålet med planarbeidet er å sikra seglforeininga sitt anlegg betre mot vêr og vind ved å etablera molo på steinfyllinga i sjø. Vidare legg planen opp til ei utviding av anlegget for å få plass til om lag 30 fleire båtplassar, og ei etablering av ny arrangementsplass i tilknyting til ny molo, med tilkomst via ei bru frå eksisterande anlegg. Ut over dette regulerer planen området i all hovudsak i samsvar med eksisterande bruk. 

Plankart for RAN seglforening

Illustrasjonsplan for RAN seglforening

Planforslaget er i all hovudsak i samsvar med gjeldande KPA, der landareala er sett av til idrettsformål, og sjøareala i hovudsak er sett av til småbåthamn og bruk og ver nav sjø og vassdrag.

Detaljregulering for RAN seglbåthamn, gbnr. 37/8 m.fl. – Anglavika vil erstatta/delvis erstatta underståande reguleringsplanar:

• 53 RP Anglavika, RAN Seglbåthamn (37), PlanID: 124619920003
• Småbåthamn, RAN båtlag (37-8,226), PlanID: 124629960050
• Utbyggingsplan for bustader på gbnr. 37/2 – Anglavika, PlanID 124620040016

Dokument i saka

Plandokument er tilgjengeleg i kommunen sitt planregister.

Du har rett til å klage

Vedtak gjort av kommunen etter plan- og bygningslova kan bli klaga på til Statsforvaltaren av part, eller andre med rettsleg klageinteresse, jf. plan- og bygningsloven § 1-9 og forvaltningslova kap. VI.

Klagefristen er tre veker frå det tidspunktet underretning om vedtaket er motteke av vedkommande part, dvs. vart lagt i dykkar postkasse, postboks eller vart overlevert på annan måte. Klaga må setjast fram skriftleg.

Klage skal stilast til klageorganet (Statsforvaltaren), men sendast til Øygarden kommune som:

• elektronisk høyringsinnspel
• e-post til postmottak@oygarden.kommune.no
• brevpost til Øygarden kommune, v/Areal og samfunnsplan, Ternholmvegen 2 , 5337 Rong

Dersom klagebrevet vert postlagt innan klagefristen, er dette tilstrekkeleg for at klaga er framsett i tide. Ei klage er å rekna som offentleg dokument, og kjem på postlistene til kommunen. Vi ber om at de ved all kontakt med oss gjev opp saka sitt saksnr. 20/2003.

Sjølv om klagerett ligg føre kan som regel vedtaket verte gjennomført straks. Det er likevel mogleg å be om at iverksetjing av vedtaket vert utsett inntil klagefristen er ute eller klaga er endeleg avgjort, jf. forvaltningslova § 42. Kommunen si avgjerd om å gje eller avslå ein slik førespurnad om utsett iverksetjing er ikkje eit enkeltvedtak som kan bli klaga på.