Ill.foto Colourbox

Kartleggingane er del av TURBO-prosjektet – Turnus, Bemanning og Optimalisering – som skal gje betre system, meir støtte og meir tid til kjerneoppgåvene.

Vikarinnhenting: mykje tid og lite system

- Vi brukar mykje tid på å leita etter vikarar, og det går ut over tid til fagleg oppfølging og personalansvar.
                          leiar i helse- og velferd, frå kartlegginga

Kartlegginga omfattar 12 einingar. Mange leiarar brukar mellom éin og fire timar dagleg på å skaffa vikarar – og i enkelte periodar over 15 timar i veka. Natt- og helgevakter er særleg krevjande.

Kvifor vi har gjort dette

God bemanning og godt planlagt turnus er avgjerande for tryggleik og kontinuitet i tenestene. Samstundes tek vikarinnhenting og turnusarbeid mykje tid og energi for leiarane våre. Målet med kartleggingane har vore å få eit klart bilete av dagens praksis og utfordringar – slik at vi kan utvikla betre og meir berekraftige løysingar.

Hovudfunn:

• Store variasjonar i rutinar og arbeidsmåtar
• Mykje manuelt arbeid og lite støtte
• Manglande samarbeid og kvalifiserte vikarar

Tiltak vi vurderer:

• Felles rutinar og betre digitale verktøy
• Koordinering mellom einingar
• Kommunal vikarpool

Turnusarbeid: krevjande og tidkrevjande

Ni leiarar har delt erfaringar. Over halvparten brukar mellom 150 og 200 timar på å laga årsturnus, i tillegg til løpande justeringar.

Hovudutfordringar:

• Stor tidsbruk og manglande planleggingstid
• Varierande kompetanse i digitale verktøy
• Utfordringar med å balansera drift og individuelle ønskjer

Tiltak vi vurderer:

• Faste planleggingsperiodar
• Strukturert opplæring og støtte
• Standardiserte malar og meir erfaringsdeling

Vegen vidare

Kartleggingane gjev oss eit solid grunnlag for å utvikla betre system og frigjera tid til leiing og fag. TURBO-prosjektet handlar om å skru opp tempoet i forbetringsarbeidet og laga ein meir føreseieleg kvardag for både leiarar og tilsette.

Les meir om prosjektet og kunnskapen vi har fått langt her.