Kven kan få tilbodet?

Innbyggjarar over 18 år med skade eller sjukdom som gjer det vanskeleg å bevega seg eller klara daglege gjeremål i kvardagen. 

Kva kan du få hjelp til?

Fysioterapeutane tilbyr trening av bevegelse, balanse og styrke. I samarbeid med deg vel vi tiltak og behandling i aktivitetar som er viktige for deg. Vi gjev behandling og trening i heimen din dersom du treng det. Vi kjem óg til deg dersom du bur på sjukeheim eller i bufellesskap eller medan du er innlagt på intermediær avdeling. Nokre gonger er det best at du kjem til lokala våre for å få behandling. 

Behandling og trening kan vera i gruppe eller enkeltvis. Vi har fleire grupper for eldre.

• Ulike balansetreninggrupper for eldre på Straume, Rong og Skogsvåg
• Diverse bassenggrupper

Fysioterapi er eit lågterskeltilbod. Dette inneber at du ikkje treng tilvising frå lege, men kan søkja sjølv.

Slik søkjer du 

Søk om fysioterapi (DOCX, 139 kB)

Send skjema til:
Øygarden kommune - Helse, meistring og rehabilitering
Ternholmvegen 2
5337 Rong

Merk at det kan vera noko ventetid for å få fysioterapi.

Prisar

• Same pris som for fysioterapeut med driftstilskot. Vurdering: takst A1a. Bassengtrening: takst C34d + C34g. Har du frikort 2 er tilbodet gratis.
• På nettsida til lovdata.no finn du informasjon om kostnad. Det vert sendt faktura frå kommunen kvar månad.
• På nettsida til Helfo finn du informasjon om eigenandelstaket for frikort.

Kva skjer vidare?

Når fysioterapeuten har ledig tid til deg, får du enten ein telefon for å avtala time eller ei innkalling i posten. Det kan vera ventetid før du får hjelp frå ein fysioterapeut.

Dersom du treng fysikalsk behandling og kan reisa til eit institutt, kan du ta direkte kontakt med ein av desse fysioterapeutene.