Kurset er digitalt, og er ope for alle vaksne i Vestland Fylke.
Målgruppe
Kurset passar for vaksne i alle alder som ønskjer å bli meir merksam på eigne tankar, og finne nokre knaggar å henga uro og bekymringar på.
Kurset er ikkje eit terapikurs for å meistra at du er nedstemd eller deprimert. Det er heller ikkje eit forum for å omarbeida sorg eller tunge emosjonelle belastningar.
Det kan likevel styrka deg i møte med slike belastninga - og verka førebyggande.
Innhald
Kurset består av ein populærvitskapleg programserie i tre deler, og verktøy og øvingar som gir deg trening i å bruka kunnskapen frå programserien i eige liv.
- Det psykologiske immunforsvaret presenterer grunnleggjande psykologisk kunnskap om merksemd og tankar.
- Tankevirus går gjennom fem ulike tankevirus ved hjelp av morosame og gjenkjennelege eksempel.
- Psykologiske vitamin tek deg steg for steg gjennom korleis du kan gå fram for å få bukt med tankevirus.
Kurshaldar er synleg med kamera. Deltakarar kan vere anonym, og deltek utan kamera og lyd. Kommunikasjon skjer i chat kor ein svarar på oppgåver i etterkant av videoframvising.
Her kan du lesa meir om Tankevirus
Omfang/kursdatoar
Kurset har 3 samlingar på 1,5 timar. Kurset våren 2024 startar opp tysdag 5. mars 2024 kl. 18.00 - 19.30.
Sjå meir informasjon om samlingane i kurskalenderen. Ta kontakt med oss om du ikkje finn informasjon om neste planlagde kurs.
Pris
Kurset er gratis! Men deltaking krev påmelding og stadfesta plass på kurset.
Påmelding
Meld deg på her
Frist for påmelding er 28.02.24, 1 veke før kursstart (med atterhald om fullteikna kurs før fristen).
Etter påmeldingsfrist vil alle på lista bli kontakta av kurshaldar på e-post for stadfesting av plass, og meir informasjon før kursstart.
Arrangør
Kurset er eit tilbod i samarbeid med Frisklivssentralen i Bergen kommune.