Småoppdrag+

Treng du hjelp til små praktiske oppgåver i hus og hage? Foreninga Småoppdrag+ legg til rette for at du kan få hjelp av pålitelige pensjonistar og ungdom (18-25 år) på ein trygg måte til overkommeleg pris.

Kva er Småoppdrag+?

Småoppdrag+ er ein form for dugnad til ein rimeleg pris!

Småoppdrag+ er ei ideell foreining som legg til rette for at innbyggjarar, til dømes eldre eller andre med funksjonssvikt, skal kunne kjøpa småoppdrag knytt til heimen på ein trygg måte.

Småoppdrag+ rekrutterer pålitelege pensjonistar og ungdom (18-25 år) som vil tilby småoppdrag. Tilbydarar må delta på kurs der det vert gjennomgått skattereglar, skjema «avtale om småoppdrag i heimen» og ansvarsforhold. Når dei har levert politiattest, får dei identitetskort som skal visast fram for kjøpar.

Både den som tilbyr og den som kjøper småoppdrag knytt til heimen, er sjølv ansvarleg for å setta seg inn i regelverk. Avtale som vert inngått mellom partane er privatrettsleg og Småoppdrag+ eller kommunen er ikkje part i avtalen.

Meir informasjon finn ein på nettsida til Skatteetaten

Der står det blant anna at ein kan kjøpa småjobbar knytt til heimen skattefritt for inntil kr 60 000,- per år, men likevel ikkje for meir enn kr 6 000,- per år frå ein og same tilbydar.

Oversikt over personar som kan hjelpa deg

Dersom det er lang reiseveg for den som skal hjelpa deg, må du pårekna at tid til transport inngår i oppdragstid. Det er mogleg å spørje om hjelp til andre oppgåver enn dei som er lista opp nedanfor dersom du har andre ønskje.

Asbjørn Vågane

Telefon: 951 45 952
E-post: avaagane@hotmail.com
Småoppdrag: Hagearbeid, alt utanfor huset og vasking av vindauge.
Plassering: Straume

Egil Dåvøy

Telefon: 948 49 005
E-post: egil.davoy@gmail.com
Småoppdrag: Hagearbeid, plenklipping, trefelling/-rydding, rydde, turhjelp, vasking av terrasse/uteområder, småreparasjonar på hus etc. og enkle maleoppdrag.
Plassering: Tjeldstø

Hjørdis Vågane

Telefon: 472 46 930
E-post: hvaagane@hotmail.com
Småoppdrag: Hagearbeid, vasking av vindauge, andre vaskeoppdrag, baking og rydding.
Plassering: Straume

Karin Bjærum

Telefon: 974 84 550
Småoppdrag: Innkjøp, sminke, hårstell og herreklipp.
Plassering: Straume

Marith Wenche Engan

Telefon: 995 37 010
E-post: mwengan@online.no
Småoppdrag: Vasking av vindauge, hagestell, maling, handletur, lese, bake saman og gå tur saman.
Plassering: Ågotnes

Olav Solsvik

Telefon: 900 25 589
E-post: kasolsvi@online.no
Småoppdrag: Hagearbeid som snømåking og rydding etc.
Plassering: Ågotnes

Sigurd Hope

Telefon: 901 61 524
E-post: sigurd.hope@gmail.com
Småoppdrag: Innkjøp, montering, vasking, rydding og lettere vedlikehald.
Plassering: Knarrevik

Trygve Dåvøy

Telefon: 995 18 052
E-post: tryg-d@online.no
Småoppdrag: I hus og hage.
Plassering: Ågotnes

Kven kan kjøpa småoppdrag?

Primært eldre eller andre med funksjonssvikt som treng hjelp til praktiske småoppgåver heime.

Kva oppåver kan du få hjelp til?

Du spør om hjelp til det som er viktig for deg!
Oppgåvene må likevel ikkje vera av slik art at dei krev autorisert personell for å kunna utførast!

Korleis kan du få hjelp?

Over finn du namn, kontaktinformasjon og kva oppgåver dei ulike tilbyr.
Ta direkte kontakt på e-post eller telefon med den som tilbyr det du ønskjer og avtal tid.
Ved første oppdrag må skjema «avtale om Småoppdrag+ i heimen» underskrivast av begge partar. Tilbydar har denne avtalen med seg og den må signerast av partane også etter utført oppdrag.
Du betaler og signerer etter utført oppdrag. Du bind deg ikkje til vidare oppdrag, utan at det er inngått ny avtale.